Polskija sienatary chočuć, kab supiermarkiety dzialilisia niepradadzienymi charčovymi tavarami z tymi, chto žyvie ŭ niastačy. U vierchniaj pałacie polskaha parłamienta adbyłosia pieršaje čytańnie prajekta zakona ab supraćdziejańni marnatraŭstvu praduktaŭ charčavańnia. Pracu nad zakonaprajektam viaduć deputaty z troch abjadnanych kamitetaŭ, paviedamlaje Radyjo Polšča.
Dakumient budzie abaviazvać supiermarkiety pieradavać pradukty charčavańnia hramadska karysnym NKA. Zakon budzie tyčycca kram płoščaj bolš za 200 kvadratnych mietraŭ, kaža sienatar kirujučaj partyi «Prava i spraviadlivaść» Antoni Šymański.
«My bačym sens i značeńnie ŭ vyrašeńni hetaj situacyi. My razumiejem, što vielmi šmat praduktaŭ charčavańnia ŭ Polščy i ŭ Jeŭrasajuzie vykidvajecca, i hetamu treba supraćstajać. Heta vialikaja prablema, i tut nieabchodna dapracavać šmat niuansaŭ», — adznačyŭ Šymański.
Sienatary taksama viali dyskusiju na temu taho, jak supiermarkiety mohuć supracoŭničać z roznymi fondami i «bankami charčavańnia». Deputaty adznačajuć, što zakonaprajekt budzie dapracavany na čarhovym pasiadžeńni. Polski Sienat płanuje pryniać zakonaprajekt jašče da vielikodnych śviataŭ.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary