2 sakavika raspačali znosić samavolna pabudavanyja i pasadžanyja płaty na nabiarežnaj Vialli ŭ Vilni, u prestyžnym staličnym rajonie Źviaryniec.
Niekatoryja žychary pavialičyli svaje ŭčastki za košt dziaržaŭnaj ziamli. Vilenskaja meryja vyrašyła ŭzdoŭž nabiarežnaj raki prakłaści vieładarožku, ale hetamu pieraškadžali samavolna pabudavanyja płaty i zialonyja nasadžeńni. 2 sakavika z ranicy na hetaj terytoryi byli pačaty raboty.
Jość spadzievy, što žyvapłaty i aharodžy na adlehłaści 100 m udasca źniać na praciahu niekalkich dzion, i dziaržaŭnaja ziamla budzie vyzvalena, a praź niekalki miesiacaŭ pačnuć prakładać vieładarožku.
Mer Vilni Remihijus Šymašus skazaŭ, što vieładarožku płanujuć prakłaści ŭ hetym hodzie: «Usim siońnia dajecca jasnaje pasłańnie, zachop ziamli tam, dzie chacieli b hulać vilenčuki, uzdoŭž raki, padychodzić da kanca. Ja nie viedaju, što hetyja ludzi dumali, kali pasadzili žyvyja zaharadzi z troch vidaŭ raślin — tuju, hłoh i jełki».
