Sajt WikiLeaks pačaŭ publikacyju najbujniejšaj sieryi dakumientaŭ Centralnaha raźviedvalnaha ŭpraŭleńnia (CRU) ZŠA pa kibiervyviedcy, jakija akazalisia ŭ jaho rasparadžeńni ŭ vyniku ŭciečak kanfidencyjnaj infarmacyi z amierykanskaj śpiecsłužby, paviedamlajuć infarmahienctvy.
Pieršaja častka publikacyi nazyvajecca Year Zero i ŭklučaje bolš za 8,7 tysiač dakumientaŭ i fajłaŭ, jakija zachoŭvalisia va ŭnutranaj sietcy centra pa kibiervyviedcy ŭ štab-kvatery CRU. Pa zajavie WikiLeaks, apublikavanyja dakumienty demanstrujuć abjom i źmiest tajnaj «chakierskaj» prahramy CRU, nakiravanaj na ŭzłom roznych pryład i praduktaŭ kampanij z ZŠA i Jeŭropy. Siarod takich Apple iPhone, Google Android, Microsoft Windows, a taksama televizary Samsung, jakija mohuć pieratvaracca ŭ schavanyja mikrafony.
Jak adznačaje sajt, škodnasnyja prahramy CRU zastajucca nieabaronienymi ad inšych chakieraŭ, što spryjaje ich raspaŭsiudžvańniu ŭ śviecie. Šerah ekśpiertaŭ užo zajavili ab sapraŭdnaści apublikavanych WikiLeaks dakumientaŭ.
