Iduć sudy nad studentami, zatrymanymi paśla Maršu niedarmajedaŭ FOTY ZATRYMANYCH
Siońnia ŭ Minsku, u sudach Centralnaha, Savieckaha i Pieršamajskaha rajonaŭ, prachodziać sudy nad zatrymanymi ŭčora ŭdzielnikami Maršu niedarmajedaŭ. Sudziać niekalki dziasiatkaŭ čałaviek.
U sud Centralnaha rajona dastavili 27 zatrymanych, Savieckaha — 14, Pieršamajskaha — 9.
Chroniku zatrymańniaŭ i aryštaŭ viaduć pravaabaroncy niezarehistravanaha centra «Viasna», jaje možna pahladzieć TUT.
Miranienka Illa. Jon miarkuje, što jamu inkryminujuć kryminalnuju spravu za źbićcio milicyjanta.
15:11
Stali viadomyja abvinavačvańni zatrymanym na mahiloŭskaj akcyi pratestu 15 sakavika. Spravy buduć razhladacca ŭ Leninskim sudzie. Alaksandr Caruk — niepadparadkavańnie patrabavańniam milicyi, Ihar Čyrak — niepadparadkavańnie milicyi i ŭdzieł u niesankcyjanavanym mierapryjemstvie, Dźmitryj Luntaŭ — arhanizacyja niesankcyjanavanaha mierapryjemstva, Alaksandr Naženka, Alena Kisiel, Kanstancin Čarnoŭ, Aleh Miacielica — udzieł u niesankcyjanavanym mierapryjemstvie.
Alena Kisiel (Mahiloŭ) aštrafavanaja na 345 rubloŭ.
15:05
Anastasija Rańko — 12 sutak aryštu
14:53
Uładzimir Łaryjonaŭ — 12 sutak aryštu.
14:51
Hetamu pabitamu chłopcu inkryminujuć užyvańnie hazavaha bałončyka. Heta Andrej Navakoŭski.
Pracuje budaŭnikom, pavodle jaho słoŭ, nie išoŭ z anarchistami, byŭ biez maski. «Klanusia, ja byŭ nie ź imi!» — emacyjna kaža chłopiec u sudzie. Kaža što jaho nie vyciahvali, jen vyjšaŭ sam, bo patrebna było pierasieści. «Mnie šyjuć kryminałku», — emacyjna kryknuŭ jon. Kaža, što jaho źbili pry zatrymańni.
Piotr Markiełaŭ atrymaŭ 12 sutak, heta jaho videa brutalnaha zatrymańnia ŭ tralejbusie ciapier nabiraje prahlady ŭ internecie. 6 sutak jamu dali «za supraciŭleńnie milicyi» + 6 za toje, što «byŭ u mascy»
Nastaśsia Rańko čakaje svoj prysud.
Arciom Skarabahaty z maci, jakaja pryniesła pieradaču synu.
Antonu Daniłavu stała kiepska, jaho zabrali daktary.
Illa Miranienka, Alona Dubovik i Pavieł Markaŭ abjavili haładoŭku. Usie jany atrymali kala 15 sutak i nie zhodnyja z rašeńniem suda.
Astatnich siabry sprabujuć nakarmić pa darozie ŭ zału suda. Niekatorych zatrymanych nie karmili ŭ izalatary.
Supracoŭniki AMAPa i śpiecnaza, što zatrymlivali maładzionaŭ, siońnia vielmi saromiacca pierad kamierami dy chavajuć tvary.
14:50
Maryna Dubina —14 sutak aryštu.
Sud adchiliŭ chadajnictvy Maryny Dubinaj ab prahladzie zapisaŭ ź videarehistrataraŭ u aŭtamabili i pry zatrymańni — maŭlaŭ, jany tolki dla słužbovaha karystańnia.
14:34
Buduć sudzić Uładzisłava Łobava (brata eks-palitviaźnia Eduarda Łobava). Jon raspavieŭ, što jany ŭsiu noč stajali la ściany na Akreścina. Ich nie karmili. Adnaho chłopca źbili mocna. U jaho siniaki i finhały, mienavita jamu, miarkuje Uładzisłaŭ, inkryminujuć źbićcio milicyjanta.
13:44
Alena Dubovik pierad sudom raspaviała, što zatrymanych u Minsku 15 sakavika ŭ milicejskich busach «mocna bili, što ŭ troch siniaki pad vačyma», a jaje samu «mocna paciahali za vopratku». Dubovik paśpieła zamović advakata, sud pahadziŭsia. Prysud — 12 sutak.
13:20
Arciom Sałaviej asudžany na 14 sutak, Aksana Malukova — 13 sutak, Arciom Markin — 12 sutak.
Raskład sudoŭ u Mahilovie, paviedamlaje Radyjo Svaboda.
13:10
Maksim Kurcoŭ (sud Centralnaha rajona) atrymaŭ 12 sutak aryštu
13:00
Arsienij Kanaploŭ (sud Pieršamajskaha rajona) asudžany na 13 sutak.
Zatrymany raspavioŭ, što vyjšaŭ ź mietro, jaho adrazu zatrymali i dastavili ŭ milicejski pakoj u mietro, kab pravieryć dakumienty. Zatrymlivali supracoŭniki ŭ cyvilnaj vopratcy.
AMAPaviec-śviedka Maskaloŭ raspavioŭ, što jany byli ŭ formie, a hramadzianin kryčaŭ. Jany paprasili jaho supakoicca, ale hramadzianin nie zrabiŭ hetaha i jany jaho zatrymali. Druhi śviedka-AMAPaviec Radźko paŭtaryŭ toje ž samaje, piša spring96.org
12:48
U Minsku za ŭdzieł u Maršy niedarmajedaŭ sudziać 31-hadovaha rasijanina
Pavieł Markaŭ asudžany na 15 sutak.
12:16
U sudzie Centralnaha rajona adnoj ź pieršych pačali sudzić Alenu Niemik. Jana raspaviała, što da 3 nočy afarmlali pratakoły. Alenu zatrymlivali ŭ tralejbusie. Jana zajaviła, što choča zamović advakata, tamu sudździa abviaściła pierapynak na 15 chvilinaŭ, piša Radyjo Svaboda. Niemik vinavaciać ŭ tym, što brała ŭdzieł u akcyi ŭ mascy i admoviłasia źniać masku, čym nibyta akazała niepadparadkavańnie supracoŭnikam milicyi. Prysud — 13 sutak.
12:09
Studentku BDUIR Śviatłanu Sieravokuju, jakuju sudziać u Pieršamajskim rajonnym sudzie, zatrymlivali ludzi ŭ cyvilnym, dahladali taksama ŭ cyvilnym, adzin byŭ u formie. Jany ž i śviedčać.
Sieravokuju zabrali ŭ pierachodzie kala kinateatra «Kastryčnik». Abvinavačvańni tyja ž — supraciŭ rabotnikam milicyi, łajałasia niecenzurna. Sieravokaja nastojvaje, kab pahladzieli videazapis z kamieraŭ nazirańnia ŭ pierachodzie, piša Radyjo Svaboda.
U vyniku Śviatłana Sieravokaja asudžanaja na 14 sutak.
11:54
Siarhiej Mackojć asudžany na 15 sutak. Suprać jaho śviedčyli tyja ž samyja AMAPaŭcy, što i suprać Lizaviety Prakopčyk, piša Radyjo Svaboda.
Siarod zatrymanych — pradstaŭnicy hramadskaj arhanizacyi «Ekadom» Maryna Dubina i Ksienija Malukova.
11:45
Jaŭhien Dziadkoŭski (sudździa Śviatłana Čarapovič) asudžany Pieršamajskim sudom Minska na 15 sutak, paviedamiŭ u fejsbuku Uładź Łabkovič. Dziadkoŭski taksama byŭ zatrymany previentyŭna.
11:30
U sud Pieršamajskaha rajona Minska dastavili 10 čałaviek, jakich učora zatrymali previentyŭna.
Pieršaj sudzili studentku Linhvistyčnaha ŭniviersiteta Lizavietu Prakopčyk. Supracoŭniki AMAPa Batun i Antanovič skazali, što dziaŭčyna vykazvałasia niecenzurnaj łajankaj. Supraciŭlałasia, kryčała. Prakopčyk zajaviła chadajnictva dapytać dziaŭčynu, jakaja išła razam ź joj. Śviedka Sacharčuk kaža, što jana była razam z Prakopčyk. Prakopčyk była ŭ miedycynskaj paviazcy, bo chvareje na hryp. Jana nie łajałasia, išła spakojna.
Niahledziačy na heta Lizaviecie Prakopčyk dali 13 sutak (sudździa Juryj Harbatoŭski), piša Radyjo Svaboda.
***
***
Usiaho ŭčora ŭ Minsku, Mahilovie i Hrodnie byli zatrymanyja, pavodle roznych acenak, ad 35 da 50 čałaviek. Mnohija zatrymanyja byli žorstka źbityja.
VIDEA, jak u Minsku cichary chapajuć moładź paśla dazvolenaha šeścia
«Skacina, za što bješ?» ŠAKUJUČAJE VIDEA
3000 čałaviek vyjšli na Marš niedarmajedaŭ u Minsku, pratestavali taksama Hrodna i Mahiloŭ
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ5
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary