Zhodna z dakumientami WikiLeaks, aŭtamabilny soft QNX kampanii BlackBerry Ltd. źjaŭlajecca patencyjnaj mišeńniu dla ŭzłomu z boku Centralnaha raźviedvalnaha ŭpraŭleńnia ZŠA.
U dadzieny momant apieracyjnaja sistema QNX ustalavana na 60 miljonach aŭtamabilaŭ pa ŭsim śviecie.
U kancy 2016 hoda ŭ BlackBerry paviedamili pra adkryćcio centra daśledavańniaŭ technałohij dla bieśpiłotnych aŭtamabilaŭ. A ŭžo na pačatku 2017 hoda BlackBerry i Renesas Electronics America Inc. pradstavili sumiesnuju technałahičnuju płatformu dla aŭtanomnych aŭtamabilaŭ. Płanujecca, što bieśpiłotnyja aŭtamabili ad BlackBerry buduć pracavać pad kiravańniem QNX.
Ekśpierty miarkujuć, što kali CRU atrymaje kantrol nad QNX, śpiecsłužby zmohuć u pierśpiektyvie sačyć za bieśpiłotnymi aŭtamabilami i kantralavać ich.
WikiLeaks nie pradstaviła dakumientaŭ, jakija b dakładna tłumačyli, jak CRU płanavała ŭzłomvać transpartnyja srodki. U jakaści dokazu WikiLeaks publikuje spasyłki na pratakoł schodu ad 2014 hoda. U hetym pratakole adznačana, što CRU patencyjna cikavić kantrol za «transpartnymi srodkami» i prahramnym zabieśpiačeńniem QNX, jakoje ŭ ich vykarystoŭvajecca.
CRU admoviłasia kamientavać situacyju amierykanskim žurnalistam. U svaju čarhu ŭ BlackBerry paviedamili, što zabieśpiačeńnie vysokaha ŭzroŭniu biaśpieki zaŭsiody było ŭ centry ŭvahi kampanii, i śpiecyjalisty vyvučajuć prahramnaje zabieśpiačeńnie BlackBerry na najaŭnaść uraźlivaściaŭ.
U 2015 hodzie zdaryŭsia pieršy viadomy vypadak, kali prahramnaje zabieśpiačeńnie było ŭzłamanaje i aŭtamabil kiravaŭsia zvonku. Ale zrabili heta nie złačyncy i nie śpiecsłužby.
Śpiecyjalisty pa infarmacyjnaj biaśpiecy Čarli Miler i Krys Vałasek uzłamali aŭtamabil Jeep Cherokee: jany kiravali styrnom, adklučyli tarmaznuju sistemu i ruchavik. U vyniku vytvorca byŭ vymušany adklikać 1,4 młn aŭtamabilaŭ.
Ale navošta śpiecsłužbam kantralavać vaš aŭtamabil?
Jak vytvorcy aŭtamabilaŭ, tak i śpiecsłužby aścierahajucca, što bieśpiłotnyja aŭtamabili mohuć być dobrymi mišeniami dla ataki z boku złačyncaŭ.
Patencyjnaja ataka z boku chakieraŭ na takija mašyny moža mieć katastrafičnyja nastupstvy jak dla pasažyraŭ, tak i dla zvyčajnych minakoŭ.
Užo daŭno transpartnyja srodki vykarystoŭvajucca padčas teraktaŭ. Možna ŭzhadać terakty ŭ Nicy i Bierlinie, kali terarysty na hruzavikach urazalisia ŭ natoŭp, kab zadušyć jak maha bolš ludziej. Kali terarysty atrymajuć dostup da technałohij bieśpiłotnaha kiravańnia, takija trahiedyi mohuć zdaracca jašče čaściej.
Usio bolš aŭtamabilnych kampanij imknucca aŭtamatyzavać svaju pradukcyju, tamu chakiery ŭsio čaściej i čaściej buduć źviartać uvahu na transpartnyja srodki.
Heta vialikaja prablema i dla vytvorcaŭ, tamu što adsutnaść kibierbiaśpieki moža vyklikać padzieńnie davieru da kampanii.
Akramia pahrozy teraktaŭ, isnuje prablema zachavańnia kanfidencyjnych dadzienych. Chakiery mohuć spakusicca na numary bankaŭskich kartak, asacyjavanych ź siervisami aŭtamabila.
Na siońniašni dzień lidaram u technałohijach addalenaha kiravańnia aŭtamabilami źjaŭlajecca Tesla.
Hałoŭnymi pieraškodami ŭ raźvićci bieśpiłotnych technałohij źjaŭlajucca prablemy biaśpieki, a taksama adsutnaść adpaviednaj pravavoj bazy. Raniej urad ZŠA tolki vydavaŭ rekamiendacyi dla aŭtavytvorcaŭ, i tolki sioleta ŭ studzieni amierykanskija zakanadaŭcy pryniali zakon, jaki rehuluje standarty kibierbiaśpieki dla aŭtamabilaŭ.
