Mietrapaliten u kitajskim horadzie Čuncyn pryciahvaje ŭvahu turystaŭ i fatohrafaŭ niezvyčajnym rašeńniem, vykarystanym budaŭnikami adnoj ź jaho nadziemnych manarejkavych linij. Pry jaje praviadzieńni vyrašana było nie znosić i nie abychodzić 19-paviarchovy budynak, jaki akazaŭsia na šlachu, a prakłaści tunel naskroź, piša TJournal sa spasyłkaj na Mirror.
Visual China Group
Šumapryhłušeńnie naładžanaje takim čynam, što ciahniki nie šumiać macniej za posudamyjnuju mašynu. Adnak niekatoryja žychary budynka ŭsio ž skardziacca na pastajannyja mihreni.
Pa słovach pradstaŭnika haradskoha departamienta transpartu, takoje rašeńnie było pryniata z-za hustoj zabudovy i pieranasielenaści horada, jakaja zrabiła budaŭnictva daroh i čyhunačnych linij surjoznaj prablemaj. Pavodle roznych danych, u horadzie pražyvaje ad 28 da 40 miljonaŭ čałaviek.
