Zabarona na pravoz noŭtbukaŭ i płanšetaŭ u ručnoj pakłažy na niekatorych rejsach u ZŠA i Vialikabrytaniju aficyjna ŭstupiła ŭ siłu, paviedamlaje VVS.
Abmiežavańni ZŠA zakranuć avijarejsy z vaśmi krain Blizkaha Uschodu i Paŭnočnaj Afryki, miery Brytanii — šaści krain.
Ułady zajavili, što pryłady vieličynioj bolš za smartfon treba zdavać u bahaž z-za bojazi, što jany mohuć utrymlivać vybuchovyja rečyvy.
Zabarona ZŠA paŭpłyvaje na pracu dzieviaci avijakampanij z vaśmi krain - Turcyi, Maroka, Iardanii, Jehipta, AAE, Katara, Saudaŭskaj Aravii i Kuviejta. Jany štodnia ździajśniajuć kala 50 rejsaŭ u amierykanskija harady.
Kampanija Emirates z AAE ŭžo prapanavała klijentam biaspłatnyja pasłuhi pa ŭpakoŭcy i dastaŭcy pryład u samalot pierad vychadam na pasadku, takim čynam pasažyry mohuć vykarystoŭvać hadžety paśla rehistracyi i až da zachodu ŭ łajnier.
Novyja praviły praduhledžvajuć, što pasažyry, jakija laciać ź inšych krain u ZŠA ź pierasadkaj u Dubai, zmohuć vykarystoŭvać svaje kampjutary padčas pieršaha pieralotu.
Zabarona Vialikabrytanii raspaŭsiudžvajecca na pramyja rejsy z šaści krain — Jehipta, Turcyi, Iardanii, Saudaŭskaj Aravii, Tunisa i Livana.
Jana tyčycca lubych pryład, uklučajučy smartfony, bujniejšyja za 16 sm u daŭžyniu, 9,3 sm u šyryniu i 1,5 sm u vyšyniu. Bolšaść smartfonaŭ układvajucca ŭ hetym paramietry.
Viedamstva patłumačyła hetuju mieru źjaŭleńniem infarmacyi pra sproby ekstremistaŭ zamaskiravać vybuchovyja pryłady ŭ noŭtbukach, płanšetach, kamierach, DVD-płejerach i elektronnych hulniavych pryładach.
U viedamstvie zajavili, što bomby byli schavanyja ŭ takich pradmietach, jak banki z-pad haziroŭki (krušeńnie rasijskaha samalota ŭ Jehipcie ŭ 2015 hodzie, 224 čałavieki zahinuli), noŭtbuk vykarystoŭvaŭsia pry niaŭdałym napadzie ŭ Samali letaś.
Jeŭrapiejskija ekśpierty pa biaśpiecy pavinny sustrecca na nastupnym tydni, kab abmierkavać zabarony Vialikabrytanii i ZŠA, paviedamlaje hazieta Guardian.
Niekatoryja ekśpierty pa avijacyi miarkujuć, što zabarona moža nanieści škodu prybytku avijakampanij, siarod mahčymych ryzyk — źnižeńnie kolkaści pasažyraŭ, padzieńnie zadavolenaści klijentaŭ, a taksama bolš vysokija vydatki na skaniravańnie bahažu.
