Minčuk abakraŭ pracadaŭcu, jaki nie vypłaciŭ jamu zarobak, paviedamiła BiełTA aficyjny pradstaŭnik Kastryčnickaha RUUS stalicy Evielina Markoŭskaja.
Supracoŭniki adździeła kryminalnaha vyšuku Kastryčnickaha RUUS Minska ŭ chodzie praviadzieńnia apieratyŭna-vyšukovych mierapryjemstvaŭ zatrymali 29-hadovaha žychara stalicy, jaki ździejśniŭ kradziež dvuch rovaraŭ i łodačnaha matora z padsobnaha pamiaškańnia aŭtamyjki pa vuł. Vaładźko. «Mužčyna raniej pracavaŭ na myjcy, adnak jaho pracadaŭca zvolniŭ i nie vypłaciŭ zarobak. U adpłatu pakryŭdžany minčuk nočču pranik u dapamožnaje pamiaškańnie aŭtamyjki i zavałodaŭ dvuma rovarami i matoram ad łodki, jakija potym pradaŭ znajomamu», — raspaviała Evielina Markoŭskaja. Na dadzieny momant majomaść viernutaja ŭładalniku.
U ciapierašni čas u dačynieńni da zatrymanaha raspačataja kryminalnaja sprava pa č. 1 art. 205 (kradziež) KK RB. Sankcyja dadzienaj častki artykuła praduhledžvaje pakarańnie ŭ vyhladzie hramadskich rabot ci štrafu, ci papraŭčych rabot na termin da dvuch hadoŭ, abo aryštu, abo abmiežavańnia voli na termin da troch hadoŭ, abo pazbaŭleńnia voli na toj ža termin.
Kamientary