Važny śviedka pa spravie ab vybuchu ŭ Minsku ŭ Dzień niezaležnaści, jaki adšukvaŭsia milicyjaj, ranicaj 4 žniŭnia samastojna źviarnuŭsia ŭ Kastryčnickaje RUUS stalicy. Pra heta havorycca ŭ infarmacyi, raźmieščanaj na aficyjnym sajcie HUUS Mienharvykankamu.
Važny śviedka pa spravie ab vybuchu ŭ Minsku ŭ Dzień niezaležnaści, jaki adšukvaŭsia milicyjaj, ranicaj 4 žniŭnia samastojna źviarnuŭsia ŭ Kastryčnickaje RUUS stalicy. Pra heta havorycca ŭ infarmacyi, raźmieščanaj na aficyjnym sajcie HUUS Mienharvykankamu.
Zaznačajecca, što pravaachoŭnyja orhany aktyŭna adšukavali mužčynu, jaki, na dumku śledztva, moh mieć kaštoŭnuju infarmacyju dla raśśledavańnia kryminalnaj spravy pa fakcie vybuchu ŭ noč z 3 na 4 lipienia padčas praviadzieńnia śviatočnaha kancertu kala steły «Miensk — horad-hieroj». Jaho fotazdymak byŭ raźmieščany ŭ ŚMI. Akramia taho, zaznačajuć u HUUS, adpaviednaja infarmacyja z prośbaj paviedamić ab asobie hetaha čałavieka była raźmieščanaja ŭ minułyja vychadnyja ŭ hramadzkich miescach Minska i inšych haradoŭ krainy.
«U suviazi z paśpiachovym pošukam važnaha śviedki HUUS Mienharvykankamu vykazvaje padziaku ŭsim hramadzianam, jakija prajavili aktyŭnuju hramadzianskuju pazycyju pa ŭstanaŭleńni asoby i miescaznachodžańnia hetaha hramadzianina», — havorycca ŭ paviedamleńni hałoŭnaha ŭpraŭleńnia ŭnutranych spraŭ.
Jak paviedamlałasia raniej, fotazdymak nieznajomca byŭ abnarodavany pravaachoŭnymi orhanami 2 žniŭnia. Na fota — mužčyna siarednich hadoŭ, brunet, z karotkaj stryžkaj i załysinami, u biełaj majcy, šeraj kurtcy i ciomnych štanach, kala noh jakoha — čorny polietylenavy pakiet. Mužčyna źniaty prykładna na tym miescy, dzie adbyŭsia vybuch.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu2
Kamientary