Anatola Labiedźku sud pryznaŭ vinavatym va ŭdziele ŭ niesankcyjanavanaj akcyi, jakaja adbyłasia 24 lutaha ŭ Kurapatach i aštrafavali na 50 bazavych vieličyń (1050 rubloŭ).
Labiedźka prakamientavaŭ pastanovu sudu:
«Sprava suproć mianie jaŭna razvaliłasia, śviedki-budaŭniki nie zmahli pryhadać, što ja niepasredna niezakonnaha zrabiŭ, tolki što prysutničaŭ tam, ale nie brydkasłoviŭ, nie kidaŭsia pad techniku, nie pieraškadžaŭ pracavać. Ale ŭsio roŭna aštrafavali na vialikija hrošy. Heta prosta rabavańnie, jak rabujuć u padvarotni. Meta hetaha pakarańnia — znoŭ naźbirać suproć mianie štrafaŭ napiaredadni novych pratestavych akcyjaŭ».
Anatol Labiedźka źbirajecca abskardzić pastanovu sudździ Viktoryi Šabuni. Napiaredadni jon spłaciŭ usie raniejšyja štrafy i ciapier zajaviŭ, što takija vialikija sumy dla jaho — heta žach. «Štrafy — heta nie liberalizacyja», — zaznačyŭ palityk.
Na pracesie nad staršyniom AHP Anatolem Labiedźkam śviedčyli rabotniki «Biełrestaŭracyi» — elektryk Dźmitry Sivy i adździełačnik Anatol Čajka.
