Hramadstva8585

Na rasijskim TB Marzaluk daŭ adłup biełarusafobam: «Ujavicie, što my pastavim biust Lermantavu i padpišam: «Proŝaj, niemytaja Rośsija»

Na maskoŭskim telekanale TVC vyjšła čarhovaja prahrama «Prava hołasu», pryśviečanaja biełaruska-rasijskim adnosinam.

Samym zajmalnym momantam pieradačy byŭ vystup Ihara Marzaluka. Deputat Pałaty pradstaŭnikoŭ daŭ adłup adyjoznamu namieśniku dyrektara Centra ŭkrainistyki i biełarusistyki MHU Bahdanu Biazpalku — ukrainiec pa pachodžańni, toj kateharyčna admaŭlaje ŭ pravie na isnavańnie i ŭkrainskaj, i biełaruskaj dziaržavie.

Marzaluk nazvaŭ Biazpalku i jaho tavaryšaŭ «čornaj sotniaj».

Ihar Marzaluk.

«Spadar Biazpalka, ja vam jak — nie viedaju, małarosu, ukraincu ci kamuści tam jašče, adkažu tak. Bahdan Anatoljevič pierad efiram hartaŭ dziŭnuju knižku dla aśviažeńnia svajoj pamiaci, jakaja nazyvajecca «Biełaruski nacyjanalizm suprać ruskaha śvietu», dzie nacyjanalistam №1 nazyvajecca prezident majoj krainy i ja taksama fihuruju. I tam dziŭnaja zadača Sajuznaj dziaržavy staić. Pa lubimaj knižcy Bahdana Anatoljeviča, heta poŭnaje źniščeńnie biełaruskaj dziaržaŭnaści. Tam prosta napisanyja abzacy, možna pračytać. I hetyja vašyja dziŭnyja «błohiery», i Barančyk, jakija dakazvajuć, što biełaruskaha naroda niama, što biełaruskaja dziaržava — niedadziaržava, što biełaruskuju movu prydumali ŭ 1926 hodzie… — usie hetyja ludzi abražajuć našu nacyjanalnuju hodnaść. My viedajem i ahulnasłavianskuju identyčnaść, ale adno druhoje nie admaŭlaje. Biełaruskaja nacyja — heta realny sacyjakulturny fakt. I kali vy pryjazdžajecie ŭ Biełaruś, prychodzicie ŭ aŭdytoryju BDU i epatujecie ludziej, zajaŭlajučy, što «vas niama», jakuju vy reakcyju atrymajecie?» — zajaviŭ Ihar Marzaluk.

«Što datyčyć Puškina. Pomnik Puškinu staić. Doška z cudoŭnymi vieršami, u razy lepšymi za tyja, katoryja, ni z kim nie ŭzhadniŭšy, vy chacieli samapalnym čynam prykleić, znachodzicca», — praciahnuŭ jon. 

Biazpalka ŭdakładniŭ, što havorka idzie pra vierš «Klevietnikam Raśsii». «Nu, tam pra ruski štyk, pra truny. Pa-pieršaje, heta była zvyčajnaja pravakacyja. Mahiloŭski abłvykankam zrabiŭ usio absalutna pravilna. Ale što datyčycca vialikich paetaŭ… Vy ŭjavicie, što my pastavim biust Lermantavu ŭ niejkim rasijskim horadzie i padpišam: «Proŝaj, niemytaja Rośsija». Vam jak, vam budzie dobra?»

Aproč Marzaluka, z boku Biełarusi ŭ prahramie udzielničali Aleh Hajdukievič, Vadzim Hihin i Alaksiej Dzierman.

Hajdukievič adrazu pasprabavaŭ załahodzić rasijskuju aŭdytoryju — paabiacaŭ paviesić vierš «Klevietnikam Rasii» ŭ svaim ofisie.

Kamientary85

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj

Usie naviny →
Usie naviny

U Kijevie z-pad ruinaŭ doma ŭsio jašče čutnyja zvanki telefonaŭ3

Śviatar Siarhiej Tryścień znachodzicca doma

Tramp: My majem damovu z Rasijaj, zaraz patrebnaja zhoda Zialenskaha9

«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki12

Pamior vajenny karespandent rasijskaha telekanała «Źviezda»1

Rasija naniesła masiravany ŭdar pa haradach Ukrainy, u Kijevie — dzieviać zahinułych, 63 paranienyja2

Bieły dom pra apošniuju zajavu Trampa: u prezidenta «zakančvajecca ciarpieńnie»13

Špakoŭski pra saŭładalnika «Varhiejminha» Kacałapava: Prafinansavaŭ pratesty na 296 tysiač dalaraŭ12

Nie kažy ty mnie słoŭ, što nie hrejuć ciapłom, Alaksandr Čarnucha4

bolš čytanych navin
bolš łajkanych navin

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj

Hałoŭnaje
Usie naviny →

Zaŭvaha:

 

 

 

 

Zakryć Paviedamić