Fota: kremlinrus.ru
Samyja sałodkija sny — uvosień
Kožny miesiac žychary Biełarusi zadajuć «Jandeksu» bolš za 500 tysiač zapytaŭ sa słovami «son», «sońnik», «da čaho śnicca». Cikavaść da hetaha trochi spadaje ŭ traŭni, a ŭ kastryčniku i listapadzie, naadvarot, uzrastaje.
Siužety byvajuć jak samyja prostyja (da čaho śnicca ciažarnaść), tak i niečakanyja: «da čaho śnicca vyciahvać biełyja nitki ź piarednich zuboŭ», «tata abuŭ maje biełyja krasoŭki».
Top-10 zapytaŭ pra sny ad «Jandeksa»
Čaściej za ŭsio biełarusy šukajuć traktoŭku nastupnych źjaŭ i rečaŭ:
- ciažarnaść;
- ryba;
- były chłopiec / dziaŭčyna;
- viasielle;
- źmiaja;
- niabožčyk;
- dzicia / niemaŭla;
- kot;
- kroŭ;
- zuby.
Cikava, što našy ziemlaki cikaviacca nie tolki ŭłasnymi, ale i snami inšych ludziej i navat žyvioł. Voś tolki niekatoryja prykłady: da čaho pryśniłasia, što ŭ syna vypaŭ zub, što śnicca kotkam i miadźviedziam.
A voś niekalki śviežych zapytaŭ ad žycharoŭ Biełarusi:
- skroź son zdałosia, što dakranulisia;
- čamu śnicca, što ja naradžaju ŭnuka;
- biełych šarykaŭ 14, a zialonych na 2 bolš, čym čyrvonych, son;
- što značyć, kali śnicca kurania;
- da čaho śnicca, što ruki vałodajuć mahičnymi zdolnaściami;
- kali śnicca, što nieznajomy chłopiec doryć svoj dom;
- bačyć son: prylacieli 3 busły, što značyć;
- da čaho śnicca adčuvańnie, što jedzieš na kani;
- što značyć, kali tabie pryśniłasia, jak vyłuplivajucca kački;
- da čaho śnicca, što kachanka stała myššu;
- dziaŭčynie śnicca, što jana abdymaje biarozu;
- chaču, kab pryśniŭsia žudasny son.
0
0
0
0
0
0
