Kala memaryjału pamiaci zahinułych siońnia sabralisia 45 tysiač čałaviek.
U japonskim horadzie Chirasima siońnia pamianuli achviaraŭ atamnaj bambardziroŭki, što adbyłasia 63 hady tamu. Kala memaryjału pamiaci zahinułych siońnia sabralisia 45 tysiač čałaviek. Razam ź inšymi maŭklivaj malitvaj pamiać 140 tysiačaŭ chirasimskaj trahiedyi ŭšanavaŭ i premjer-minitsar Japonii Jasuo Fukudu.
Ranicaj 6 žniŭnia 1945 hodu amerykanski bambavik B-29 «Enola Gay» (kamandzir ekipažu — pałkoŭnik Poł Tybets) skinuŭ na japonski horad Chirasima atamnuju bombu «Little Boy» («Mały»). U vyniku, niepasredna ŭ momant vybuchu i ciaham šaści miesiacaŭ zahinuła kala 140 tysiačaŭ čałaviek, a horad byŭ litaralna ściorty z tvaru ziamli. Praz try dni, skinuŭšy atamnuju bombu «Fat Man» («Taŭstun») na horad Nahasaki, pilot Čarlz Suini pazbaviŭ žyćcia 74 tysiačaŭ čałaviek. U abodvuch haradach pieravažnuju bolšaściu achviaraŭ stali hramadzianskija asoby. Praź dzieviać dzion paśla ataki na Chirasimu Japonija kapitulavała.
Pavodle Radio Svoboda