 |
Budynak, pavodle čynoŭnikaŭ, maralna sastareŭ.
Šyrokaj hramadzkaści pakul nie viadomyja ani terminy, ani prajekt novaj haścinicy. Ale, miarkujučy pa ŭsim, ad ahučanaha jašče letaś rašeńnia pravieści «zamienu» haścinicy ŭ adnym z najpryhažejšych miescaŭ horadu kiraŭnictva Miensku nie admoviłasia. Učora rašeńnie pra demantaž staroj «Biełarusi» ŭskosna paćvierdziŭ ministar architektury j budaŭnictva Alaksandar Sielaźnioŭ.
Hatel «Biełaruś» budavaŭsia jak honar stalicy
«Pabudavany ŭ 60‑ch hadach hmach haścinicy «Biełaruś» maralna sastareŭ. Heta vidać kožnamu, chto zachodzić usiaredzinu. U takim miescy musić stajać haścinica ŭžo zusim inakšaha ŭzroŭniu. Tym bolš što investar apałacić usie vydatki nia tolki pa budaŭnictvie novaj haścinicy, ale j pa demantažy staroha budynku», — skazaŭ ministar.
Pavodle čutak, investary znajšlisia ci to ŭ Iranie, ci to ŭ Saudaŭskaj Arabii. Hety ŭschodni rehijon vielmi aktyŭna «planuje j zabudoŭvaje» Miensk. Što, darečy, vyklikaje niekatoryja sprečki nia tolki ŭ architekturnych kołach, ale j spamiž žycharoŭ stalicy, jakim čaściej za ŭsio novyja maštabnyja prajekty prezentujuć užo ŭ statusie pryniataha rašeńnia.
Uziać chacia b budaŭnictva haścinicy ledź ci nie na bierazie Kamsamolskaha voziera ci ŭźviadzieńnie jašče adnoj spravavoj «vysotki» na Kastryčnickaj płoščy, jakoje na 90 adstokaŭ pryviadzie da pieranosu muzeju Vialikaj Ajčynnaj vajny.
Pryčym časam investycyjnyja prajekty vychodziać za ramki adnaho budynku. Uzhadajcie niadaŭni skandał z mahčymym «pierasialeńniem» vulicy Karła Marksa. Na ščaście, da takich «maštabaŭ» investycyjnaja dziejnaść jašče nie dajšła.
— Z punktu hledžańnia architektury vysotnyja «ŭkrapiny» patrebnyja horadu. Hałoŭnaje imi nie złoŭžyvać, — ličyć Alaksandar Sielaźnioŭ. — Nie biarusia razvažać pra pravilnaść dy metazhodnaść kankretnych prajektaŭ, ale ŭsie maštabnyja abjekty, uźviedzienyja ŭ horadzie, dahetul dazvalajuć nam imi hanarycca. Spadziajusia, hetak budzie j nadalej.
