Viera Špakoŭskaja, vychavanka pieršaj biełaruskaj škoły baleta dla dziaciej, stała adnoj ź pieramožcaŭ mižnarodnaha konkursu Youth America Grand Prix (YAGP) va ŭzrostavaj katehoryi 9-12 hadoŭ, piša Tut.by.
YAGP — heta adzin z samych bujnych i aŭtarytetnych konkursaŭ u śviecie, u jakim udzielničajuć vučni baletnych škoł. U 1999 hodzie jaho zasnavali muž i žonka Łarysa i Hienadź Savieljevy, byłyja salisty maskoŭskaha Vialikaha teatra.
Sioleta na konkurs byli padadzienyja bolš za 3,5 tysiačy zajavak ad dziaciej, jakija prafiesijna zajmajucca baletam. Paŭfinały prachodzili ŭ Francyi, Brazilii, Japonii, Karei, Mieksicy, Amierycy i Aŭstralii.
U tancavalnym šou «Tancujuć usie!» Viera syhrała rolu Ludmiły Prakofjeŭny z papularnaha filma «Słužbovy raman».
Cikava, što junym biełaruskim balerynam Viery Špakoŭskaj i Anastasii Jarmaš było vosiem hadoŭ. Tady jak u ich uzrostavaj hrupie spaborničali dzieci ad 9 da 12 hadoŭ. Jak raspaviała baleryna Maryna Viežnaviec, zorka Nacyjanalnaha teatra opiery i baleta i kiraŭnik pieršaj biełaruskaj škoły baleta dla dziaciej, padčas paŭfinału ŭ Paryžy arhanizatary dapuścili dziaŭčynak da ŭdziełu, ubačyŭšy ich uzrovień. U finale konkursu, jaki adbyŭsia ŭ Ńju-Jorku, Viera i Anastasija abyšli tych sapiernic, jakija abahnali ich u Paryžy.
Viera Špakoŭskaja zaniała piataje miesca, nabraŭšy 95 bałaŭ. Miesca Anastasii Jarmaš, jakaja nabrała 92 bały, arhanizatary nie ŭdakładnili. Usiaho ŭ hrupie spaborničali 112 udzielnic.
Jak raspaviała Maryna Viežnaviec, pa vynikach konkursu Vieru Špakoŭskuju zaprasili letam na tydniovuju stažyroŭku ŭ adnu ź viadomych u śviecie chareahrafičnych škoł — Škołu tanca ŭ Partuhalii.
