U francuzskim Marseli aryštavanyja dva čałavieki pa padazreńni ŭ padrychtoŭcy ŭzbrojenych napadaŭ na mirnych žycharoŭ na manier taho, jaki byŭ ździejśnieny ŭ Paryžy vosieńniu 2015 hoda, paviedamlaje VVS.
Jak paviedamlajecca, padazravanych zatrymali pradstaŭniki śpiecpadraździaleńnia palicyi i raźviedki paśla niekalkich dzion pošukaŭ. Adnamu ź ich 23 hady, a druhomu 29 hadoŭ.
U kvatery, dzie pražyvali zatrymanyja, prajšoŭ pieratrus. Pa niekatorych paviedamleńniach, u chodzie pieratrusu byli znojdzienyja zbroja i vybuchovyja rečyvy.
Pa dumku pradstaŭnikoŭ pravaachoŭnych orhanaŭ, abodva zatrymanyja trapili pad upłyŭ radykalnych idej, kali raniej znachodzilisia ŭ turmie.
Ministr unutranych spraŭ Francyi Macijas Fiokl paviedamiŭ, što zatrymanyja — hramadzianie Francyi, ale nie nazvaŭ miescaŭ, na jakija jany płanavali ździejśnić napady. Pry hetym jon usio ž padkreśliŭ, što hetyja napady mahli adbycca ŭžo ŭ bližejšyja dni.
U Francyi 23 krasavika projduć prezidenckija vybary. Ź listapada 2015 hoda, kali byli ździejśnienyja niekalki napadaŭ u Paryžy, u krainie dziejničaje režym nadzvyčajnaha stanovišča.
