Pra śmierć byłoha śpiecnazaŭca Rusłana Nikicina, jaki pajechaŭ va Ukrainu vajavać na baku Rasii, paviedamili jaho adnakłaśniki ŭ sacyjalnych sietkach. Zahinuŭ biełarus kala dvuch tydniaŭ tamu pad Charkavam.
Jak stała viadoma «Našaj Nivie», Rusłan naradziŭsia ŭ Lidzie i skončyŭ škołu № 9. U školnyja časy siabry dali jamu mianušku «Kamuflaž». Adnakłaśniki kažuć, što Rusłan byŭ pazityŭnym, krychu nachabnym, ale talenavitym — hraŭ roli ŭ teatralnych pastanoŭkach, dobra śpiavaŭ.
Terminovuju słužbu prachodziŭ u raźviedcy śpiecnaza ŭ 5-j asobnaj bryhadzie śpiecyjalnaha pryznačeńnia.
Znajomyja Rusłana śćviardžajuć, što jon daŭno ažaniŭsia z rasijankaj, pajechaŭ žyć na jaje radzimu i navat atrymaŭ rasijski pašpart.
Jany taksama śćviardžajuć, što vajavać mužčyna pajšoŭ pa ŭłasnaj inicyjatyvie. Na fota z frontu vidać, što pobač z našyŭkaj Z jon nasiŭ i našyŭku z čyrvona-zialonym ściaham.
Zhodna ź viersijaj znajomych, Rusłan zahinuŭ pad Charkavam 16 maja, kali ratavaŭ adnavajskoŭcaŭ. Nahadajem: ranicaj 10 maja rasijskija vajenkary stali raspaŭsiudžvać infarmacyju ab pačatku nastupu rasijskich vojsk na Charkaŭ z terytoryi Rasii, ale praz dva tydni nieŭzabavie pryznali, što rasijanie častkova pierajšli da abarony.
U zahinułaha zastałasia maci ŭ Biełarusi i žonka z synam u Rasii.
Spačuvańni im vykazaŭ vakalist hurta Skynet Ivan Panamaroŭ, jaki raspavioŭ u instahramie, što siabravaŭ ź Nikicinym i toj navat natchniŭ jaho na napisańnie pieśni «Ja žyvy». Paśla śmierci Nikicina artyst pryśviaciŭ Rusłanu vierš.
Čytajcie taksama:
Zahinuŭ biełarus, jaki vajavaŭ va Ukrainie na baku Rasii. Pra jaho raniej užo nie raz pisali
Jašče adzin biełarus skłaŭ hałavu za «ruski śviet»
Byłyja siłaviki i kryminalniki. Što za biełarusy vajujuć va Ukrainie na baku Rasii
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)