Na siońniašniaje sudovaje pasiedžańnie amerykanskaha advakata Emanuiła Zelcera kanvairy zanosili na rukach.
Emanuiła Zelcera i jahonuju sakratarku, hramadzianku Rasiei Ŭładlenu Funk zatrymali ŭ aeraporcie 12 sakavika, jak tolki jany prylacieli ź Londanu. 30 lipienia pačaŭsia sudovy praces za začynienymi dźviaryma. Zelcera i Funk trymajuć u śledčym izalatary KDB. U sudovuju zalu prapuskajuć tolki ŭdzielnikaŭ pracesu.
Śledčyja abvinavačvajuć Zelcera ŭ vykarystańni falšyvych dakumentaŭ, kantrabandzie narkotykaŭ i kamercyjnym špijanažy. Pradstaŭniki ambasady ZŠA vykazvali zaniepakojenaść stanam zdaroŭja hramadzianina ZŠA, jaki maje šerah chraničnych zachvorvańniaŭ.
Ciapier jon siabie adčuvaje nastolki kiepska, što nia moža samastojna padniacca pa leśvicy na 4 pavierch.