Palitviaźnia Kasinierava vypuścili pad padpisku ab niavyjeździe
Palitviazień Viačasłaŭ Kasinieraŭ vyjšaŭ na volu ranicaj 21 krasavika ź izalatara HUUS Minharvykankama, što na Vaładarskaha. Jamu źmieniena miera strymańnia.
Vyzvaleńnie stała dla chłopca siurpryzam.
«Było niečakana. Dobryja naviny, choć niešta za apošni čas, bo ja rychtavaŭsia da samaha strašnaha. Čakaŭ, što artymaju hady. I toje, što zaraz pajdu dachaty — vielmi niečakana, — pryznaŭsia Viačasłaŭ. —
Spadziajusia, što heta — majo vyzvaleńnie — zrabili jany: siabry, paplečniki, hramadskaja supolnaść i, kaniečnie, maja cudoŭnaja dziaŭčyna.
Adpuścili mianie pad padpisku. Ja nie bajusia hetaha, bo sistema, dziakujučy raspaŭsiudu infarmacyi, adstupiła ad svajoj karnaj pazicyi».
Pa słovach Kasinierava padčas źniavoleńnia byli prablemy z poštaj, listy dachodzili nie ŭsie.
«Asnoŭnaja masa listoŭ dachodziła tolki ad blizkich — dziaŭčyny i matuli. Ad advakata ja viedaŭ, što pišuć mnohija, ale šmat čaho nie prychodziła», - skazaŭ Kasinieraŭ.
Taksama Viačasłaŭ raspavioŭ, jak da jaho stavilisia pravaachoŭniki.
«Tut jość boksy — chałodnaja padvalnaja kamiera, tam čakaješ, pakul pierajedzieš na narmalnuju kamieru. Ja tam pravioŭ amal sutki. Pytaŭsia, čamu mianie nie pieravodziać? Adkazvali: «a ciabie i nie pieraviaduć». Tam pamiaškańnie čatyry na piać mietraŭ, i było tam 4-5 čałaviek, — raspavioŭ Kasinieraŭ. — Uvohule, prakuror, kali abiraŭ mieru strymańnia, mnie skazaŭ tak: «Chacieŭ rezanansu? Atrymaj!».
Ale na pohlady Kasinierava źniavoleńnie nie paŭpłyvała.
«Siadzieć za svaje idei nie tak strašna, ty viedaješ, čamu ty tam, ty pierakanany ŭ svajoj pazicyi i viedaješ, što ludzi na tvaim baku.
Ja nie čakaju, što mianie apraŭdajuć, viedaju, što pryznajuć vinavatym, ale, spadziajusia, nie pasadziać, — miarkuje Viačasłaŭ. — Ale, jaki b sudovy vyrak nie byŭ, ja liču, što dabiŭsia svajoj mety. Ja chacieŭ pryciahnuć uvahu hramadstva da milicejskaha ciemrašalstva. Ale košt ja trochi nie raźličyŭ, tak. Ale ž, čym by heta ŭsio nie skončyłasia, heta mianie nie pužaje.
Jość takaja pieśnia: «Kali ŭ hetaj krainie šlach da svabody lažyć praz turmy — takija jak my hatovyja im iści».
Taksama nie pačaŭ Kasinieraŭ i stavicca z pavahaj da haradavoha:
«Abvinavačvańnie — absurd i ciemrašalstva. Heta ž nie pomnik navat — skulpturnaja kampazicyja. Kali peŭnyja koły ludziej staviać sabie takija istukany, kali chłusiać pa TB, što ŭ mianie try sudzimaści… Kali jany ličać siabie hramadstvam, to ja chaču im skazać — vy nie hramadstva.
Hety «pomnik» — toje nie maja fraza — carskamu mientu. Jakoje dačynieńnie jon maje da Biełarusi?»
U najbližejšych płanach u Viačasłava — pabyć ź blizkimi, pabyć z dačkoj. Dalej — aformić aficyjnyja adnosiny sa svajoj dziaŭčynaj.
Viačasłavu Kasinieravu było vystaŭlena abvinavačvańnie ŭ ździajśnieńni złačynstva pa častcy 1 artykuła 339 Kryminalnaha kodeksa (chulihanstva) za praviedzieny im 12 sakavika 2017 h. kala budynku MUS pierformans, padčas jakoha jon nakinuŭ piatlu na ŭstalavanuju tam statuju palicejskaha-haradavoha. Jon śćviardžaŭ, što vykazaŭ takim čynam svoj pratest suprać samavolstva viedamstva ministra Šunieviča i pieraśledu aktyvistaŭ anarchisckaha ruchu za ŭdzieł u mirnych akcyjach pratestu.
Sud nad im pačniecca 27 krasavika.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary