Minharkampryrody prapanuje vyvučyć mahčymaść sielekcyi parod liścianych dreŭ, ustojlivych da niehatyŭnych uździejańniaŭ haradskoha asiarodździa i, u pryvatnaści, da supraćhałalodnych reahientaŭ, dla dalejšaj pasadki takich nasadžeńniaŭ na staličnych vulicach. Takuju ideju ahučyŭ staršynia Minskaha haradskoha kamiteta pryrodnych resursaŭ i achovy navakolnaha asiarodździa Siarhiej Maślak, paviedamlajuć «Minsk-Naviny».
fota Julii Balcevič
«Dumaju, na praciahu hoda vynik u vyviadzieńni parody, ustojlivaj da reahientaŭ, pavinien być», — skazaŭ Maślak.
Jon dadaŭ, što zajmacca hetym pytańniem varta sumiesna ekołaham, azielanicielam i navukoŭcam.
Havoračy pra stan haradskich nasadžeńniaŭ u cełym, hałoŭny ekołah Minska rastłumačyŭ, što jon vyvučajecca ahrachimičnaj łabaratoryjaj UP «Minskzielanbud» dvojčy ŭ hod. Pa vynikach praviedzienaha analizu hibieli dreŭ u 2016 hodzie pracent vydalenych nasadžeńniaŭ uzdoŭž praśpiektaŭ Niezaležnaści, Pieramožcaŭ i centralnych vulic horada, zamacavanych za UP «Minskzielenbud», skłaŭ 1,9%, pracent addalenych dreŭ uzdoŭž asnoŭnych vulic u razrezie rajonnych administracyj skłaŭ 3,3%. Dadzienyja pakazčyki nie pieravyšajuć dapuščalnych normaŭ.
«Razam z tym «Minskzielanbud» adznačaje, što paharšeńnie stanu nasadžeńniaŭ, jakija rastuć uzdoŭž prajeznaj častki vulic, abumoŭlenaje technahiennymi zabrudžvańniami, u tym liku ŭ suviazi z vykarystańniem reahientaŭ u zimovy pieryjad. Utrymańnie vodarastvaralnych solaŭ u hlebie ŭzdoŭž daroh horada pieravyšała fonavyja značeńnia pa natryi ŭ 8-26 razoŭ, pa chłarydach — u 3-14 razoŭ», — rastłumačyŭ Maślak.
Pa jaho słovach, abśledavańni maładych pasadak 2016-2017 pakazali, što pry azielanieńni ŭžyvaŭsia ŭ asnoŭnym jakasny pasadačny materyjał, adnak na nasadžeńniach roznych parod u asobnych vypadkach vyjaŭlałasia najaŭnaść sasudzistych škodnikaŭ, ačahi chvarob nieinfiekcyjnaha charaktaru, što źnižaje ich žyćcieŭstojlivaść pry vyrastańni ŭ haradskich umovach. Minharkampryrody vybaračna pravieryŭ pasadki ŭzdoŭž vulic u Maskoŭskim rajonie (ŭčastki na praśpiekcie Dziaržynskaha, vulicach Ordy, Čačota, Kasmanaŭtaŭ, Słabadskoj i ŭzdoŭž MKAD). Pa vynikach vizualnaha abśledavańnia ŭ cełym možna adznačyć, što drevy znachodziacca ŭ naležnym stanie.
«U pasadak 2016-2017 hadoŭ majucca prystvałłavyja łunki, vykananaje rychleńnie, pastaŭlenyja kały. Adnak u dreŭ, vysadžanych bolš za 3 hady tamu, majucca ślady miechaničnych paškodžańniaŭ, častaje źjaŭleńnie jakich pieraškadžaje drevu narmalna raźvivacca i moža pryvieści da jaho hibieli», — dadaŭ hałoŭny ekołah stalicy.
