Ułady KNDR pahražajuć Aŭstralii ŭžyvańniem jadziernaj zbroi suproć hetaj krainy, kali jana pradoŭžyć «ślepa śledavać» palitycy ZŠA, paviedamlaje The Guardian sa spasyłkaj na Centralnaje telehrafnaje ahienstva KNDR.
«Kali Aŭstralija i dalej budzie padtrymlivać ZŠA ŭ sprobach izalavać i padaŭlać KNDR, heta budzie dla jaje krokam samahubstva ŭ zonu paražeńnia jadziernym udaram stratehičnych siłaŭ KNDR», — cytuje hazeta pradstaŭnika minabarony Paŭnočnaj Karei.
Napiaredadni kiraŭnica MZS Aŭstralii Džuli Bišap nazvała jadziernyja ambicyi KNDR «surjoznaj pahrozaj dla ŭsiaho śvietu» i zajaviła pra mahčymaść novych sankcyjaŭ suprać Pchieńjanu.
U krasaviku pa zahadzie prezydenta ZŠA Donalda Trapma da bierahoŭ Karejskaha paŭvostrava nakiravaŭsia ciažki atamny avijanosiec VMS ZŠA Carl Vinson ź niekalkimi karablami supravadžeńnia. U kancy sakavika hetaja hrupa karabloŭ ZŠA praviała va Ŭschodnie-Kitajskim mory supolnyja maneŭry z atradam karabloŭ Marskich siłaŭ samaabarony Japonii. Asnoŭnaj metaj vučeńniaŭ była adpracoŭka ŭzajemadziejańnia bajavych karabloŭ dźviuch krainaŭ u składzie adzinaj hrupoŭki.
Raniej telekampanija NBC paviedamiła, što Rada nacyjanalnaj biaśpieki ZŠA prapanavała Trampu mahčymyja varyjanty procidziejańnia jadziernaj pahrozy KNDR.
