«Kaniečnie, u ES jość niekatoryja hłabalnyja roznahałośsi z Rasijaj, u pieršuju čarhu, pa pytańni Ukrainy, — skazała jana. — Ale jość i pytańni, u jakich my supracoŭničajem i majem namier padniać hety ŭzrovień supracoŭnictva ŭ śfierach, dzie Rasija i ES mohuć być karysnyja adzin adnamu u vyrašeńni isnujučych kryzisaŭ».
Fota TASS
Mahieryni taksama adznačyła, što «aproč ŭkrainskaha pytańnia isnujuć i inšyja śfiery zakłapočanaści». «Ale my spadziajemsia, što praz adkryty pryjazny dyjałoh my zmožam niejkim čynam vyrašyć hetyja prablemy», — padkreśliła jana.
«Naš abmien dumkami byŭ karysny, kanstruktyŭny i pazityŭny, — skazała Mahieryni. — Spadziajemsia, što jaho vyniki paŭpłyvajuć ŭžo ŭ bližejšyja tydni ci miesiacy».
Dypłamat taksama adznačyła, što «ŭ hety ciažki pieryjad ni adzin santymietr mahčymaj terytoryi supracoŭnictva nielha stracić». «My niasiem adkaznaść pierad čałaviectvam, tamu my pavinny znajści ahulnuju pazicyju dla vyrašeńnia kryzisaŭ», — dadała jana.
Akramia taho, Mahieryni zajaviła, što vykanańnie minskich pahadnieńniaŭ asabliva aktualna na fonie padryvu mašyny misii ABSIE 23 krasavika.
«My abmierkavali jak ŭvasablać u žyćcio darožnuju kartu, zasnavanuju na minskich pahadnieńniach, — skazała jana. — Hetaje pytańnie asabliva aktualnaje, bo na minie padarvałasia mašyna misii ABSIE».
