Na 25—27 maja zapłanavany ŭdzieł Donalda Trampa ŭ samitach NATA i G7. Akramia taho, u chodzie pieršaj zamiežnaj pajezdki ŭ jakaści prezidenta Tramp sustreniecca z Papam, naviedaje Izrail i Saudaŭskuju Araviju.
Pra heta paviedamili u čaćvier, 4 maja internet-partał Politico, ahienctva Reuters i niekalki amierykanskich telekanałaŭ, piša Deutsche Welle.
Bieły dom pakul nie paćvierdziŭ hetuju infarmacyju. Da hetaha času aficyjna paviedamlałasia tolki, što Tramp voźmie ŭdzieł u samicie NATA ŭ Bruseli 25 maja i ŭ sustrečy G7 na Sicylii 26 i 27 maja. Pa źviestkach krynicy Reuters ŭ amierykanskaj administracyi, aŭdyjencyja ŭ Papy Francyska pryznačana na 24 maja.
Pavodle paviedamleńniaŭ ŚMI, pieršy prypynak u chodzie svajoj zamiežnaj pajezdki Tramp pavinien zrabić u Izraili.
