Na ŭsie vychodnyja abvieščany aranžavy ŭzrovień niebiaśpieki. Pra heta TUT.BY raspavioŭ načalnik słužby mietearałahičnych prahnozaŭ Hidramieta Minpryrody Dźmitryj Rabaŭ.
Reuters.com
7 maja, u niadzielu, umovy nadvorja na terytoryi Biełarusi buduć vyznačać aktyŭnyja atmaśfiernyja franty. Nočču ŭ asobnych rajonach, ranicaj i dniom na bolšaj častcy terytoryi daždžy. Nočču ŭ asobnych rajonach, dniom pa paŭdniovaj pałovie respubliki navalnicy. U dzionny čas pry navalnicach miescami mocnyja liŭni, hrad. Dniom u asobnych rajonach krainy škvalistaje ŭzmacnieńnie vietru paryvami da 15-20 m/s.
Tempieratura nočču + 6 … + 13°S; dniom + 16 … + 22°S, pa Homielskaj vobłaści da + 25°S, u paŭnočnych rajonach krainy + 9 … + 15°S.
U Minsku - časam daždžy (imaviernaść 80-90%), mahčyma navalnica (imaviernaść navalnicy 20-30%). Tempieratura nočču + 9 … + 11° S, dniom + 16 … + 18°S.
8 maja, u paniadziełak, rezka pachaładaje.
Na bolšaj častcy Biełarusi čakajucca daždžy, nočču i ranicaj u paŭnočnych rajonach — z mokrym śnieham. U asobnych rajonach krainy mocnyja apadki, uzmacnieńnie vietru paryvami da 15-18 m/s, pa paŭdniovym uschodzie mahčymyja navalnicy. Tempieratura nočču + 2 … + 9°S, dniom + 4 … + 11°S; pa paŭdniovym uschodzie na praciahu sutak + 10 … + 14°S, dniom miescami da + 17°S.
U Minsku - doždž, nočču i ranicaj praciahły mocny doždž. Tempieratura nočču + 5 … + 7°S, dniom kala + 7°S.
9 maja, u aŭtorak, nočču pa Bresckaj i Hrodzienskaj abłaściach, a na astatniaj terytoryi krainy ŭ asobnych rajonach, dniom na bolšaj častcy Biełarusi prahnazujucca karotkačasovyja apadki - doždž, mokry śnieh. Nočču i ranicaj u asobnych rajonach słaby hałalod. Tempieratura nočču 0 … + 6°S, pry prajaśnieńniach da -3°S; dniom + 3 … + 10°S.
U Minsku ranicaj i dniom karotkačasovyja apadki - doždž, mokry śnieh. Tempieratura nočču + 1 … + 3 ° S, dniom kala + 5 … + 7 ° S.
