«Stała viadoma, što dniami z «Vaładarki» pieraviali ŭ «Amerykanku» Ŭładzimiera Fiodarava i Andreja Bialaŭskaha. Čamu — nieviadoma. Ciapier im treba pisać listy pa adrasie Hałoŭpaštamt, a-ja 8, jak i inšym, kaho trymajuć u KDB. Heta infarmacyja pavodle stanu na 5 traŭnia».
Pavodle Niny Šydłoŭskaj, u listavańni viaźniaŭ izalataru KDB sa svajakami časta ŭźnikajuć prablemy.
Nina Šydłoŭskaja.
«Pa-roznamu adbyvajecca. Adzin ź viaźniaŭ, nia budu nazyvać proźvišča, napisaŭ na supracoŭnikaŭ KDB skarhu, što jamu nie dachodziać listy, chacia jon dakładna viedaje, što jamu pišuć. Dyk prynieśli ceły stos listoŭ, pryčym tam byli niekalki nie jahonych. Vidać, było b dobra, kab usie hetak skardzilisia, bo šmat u kaho prablemy. Prykładam, pavodle źviestak ad Mirasłava Łazoŭskaha, jamu nie dachodziać listy nie ad blizkich svajakoŭ. Nie atrymaŭ listy ad kalehaŭ, ź jakimi razam pracavaŭ, ad niekatorych siabroŭ.
Toje samaje z Andrejem Dundukovym. Žonka jamu piša štoviečar, a jon u adkaz piša, što ničoha ad jaje niama. Da niekatorych listy ad siabroŭ pačali prapuskać, jak da Viktara Daniłava, ale taksama čamuści z vyklučeńniami. Prykładam, mnie ad jaho pryjšła paštoŭka, i ź jaje bačna, što heta nie adkaz na moj list ź vinšavańniami jaho na dzień narodzinaŭ. To bok usio roŭna jany praciahvajuć niejkuju filtracyju».
Nina Šydłoŭskaja miarkuje, što fihurantam spravy «Biełaha lehijonu» ciapier vielmi patrebnaja padtrymka i zaklikaje dasyłać im listy ŭ «Amerykanku» dy ŭ mienski śledčy izalatar pa adrasie vulica Vaładarskaha, 2.
