Na hetym tydni čakajecca davoli ciopłaje i navat śpiakotnaje nadvorje
, jakoje pryniasie da nas haračaje pavietra z boku poŭdnia Jeŭropy, paviedamiŭ redakcyi načalnik słužby hidramieteaprahnozaŭ Respublikanskaha hidramietcentra Dzmitryj Rabaŭ.U aŭtorak i sieradu apadkaŭ nie pradbačycca, tolki ŭ asobnych rajonach Hrodzienskaj i Viciebskaj abłaściej mahčymy karotkačasovyja daždžy. Tempieratura pavietra ŭ aŭtorak udzień 22—27, pa zachadzie da plus 29 hradusaŭ. Tempieratura ŭnačy ŭ sieradu 15—20, udzień 26—32 hradusy. Z čaćviarha na terytoryju Biełarusi pačnie ruchacca vilhotnaje pavietra z boku Zachodniaj Jeŭropy. Tady na praciahu dvuch dzion miescami pa krainie čakajucca karotkačasovyja daždžy z navalnicami. Tempieratura pavietra ŭ čaćvier unačy 15—20, udzień 23—29, pa ŭschodzie da 30—33 hradusaŭ. U piatnicu ŭnačy čakajecca ŭžo 13—19, udzień 21—26, pa paŭdniovym uschodzie da 27—32 hradusaŭ.
U vychadnyja atmaśfierny front z boku Zachodniaj Jeŭropy pryniasie da nas niaŭstojlivaje nadvorje. Tak, u subotu ŭ zachodnich i centralnych rajonach, a ŭ niadzielu miescami pa krainie projduć karotkačasovyja daždžy z navalnicami. Tempieratura pavietra ŭ subotu ŭnačy 15—21, udzień 20—27, pa ŭschodzie da 28—33 hradusaŭ. A voś u niadzielu ŭ krainu zavitaje bolš śviežaje pavietra sa Skandynavii. Tempieratura ŭnačy stanie 11—18, udzień 18—25, pa ŭschodzie — da 27 ciapła.
