Zabrany ŭ vojska aktyvist Vital Karatyš atrymaŭ karotkaterminovy adpačynak dla rehistracyi ŭ jakaści kandydata ŭ deputaty. Pa słovach aktyvista, jamu pajšli na sastupki, dziakujučy rozhałasu ŭ ŚMI.
Ciapier jon zmoža ŭłasnaručna adnieści sabranyja podpisy na rehistracyju ŭ Łuninieckuju akruhovuju kamisiju.
Padtrymać jaho ŭ zbory podpisaŭ pryjechaŭ Alaksandar Milinkievič.
Kankurentkaj u Karatyša byłaja dyrektarka palikliniki, deputatka Łarysa Vieršałovič. Na jaje pracuje ŭvieś administracyjny resurs.
Horadaŭtvarajučaje pradpryjemstva Mikaševičaŭ «Hranit» pieražyvaje svaje załatyja časy. U krainie zaraz budaŭničy bum i pradukcyja bujnoha manapalista budaŭničaj industryi idzie naraschvat. Tym nie mienš, ludzi adčuvajuć patrebu ŭ pieramienach, kaža Karatyš.
Vital Karatyš pa adukacyi ekanamist-menedžer. Jon niekatory čas pracavaŭ dyrektaram Doma kultury. Jamu spoŭniłasia 24 hady. Inicyjatyŭnaj hrupaj pretendenta ŭžo sabrana 1500 podpisaŭ.
Pa słovach žycharoŭ, čynoŭniki administracyi papiaredzili kiraŭnikoŭ miascovych pradpryjemstvaŭ, što «ad vynikaŭ vybaraŭ zaležyć vaša karjera».
