Dva žychary Bresckaj vobłaści zarabili na inscenavanych DTZ amal 50 tysiač rubloŭ, paviedamiŭ aficyjny pradstaŭnik UUS abłvykankama Siarhiej Dučenka.
Niepracujučy žychar Baranavičaŭ i jaho znajomy, indyvidualny pradprymalnik ź Ivacevičaŭ, padazrajucca ŭ insceniroŭcy dvuch DTZ. Pieršaja «avaryja» z udziełam aŭtamabilaŭ Mazda SCH7 i Mazda5 adbyłasia 27 listapada 2015 hoda na trasie pablizu vioski Sakałova Biarozaŭskaha rajona. Tady strachavaja vypłaciła dvum «paciarpiełym» kiroŭcam usiaho zvyš 19 tysiač rubloŭ. Praz paŭhoda, 6 žniŭnia 2016-ha, pryjacieli znoŭ nibyta patrapili ŭ darožna-transpartnaje zdareńnie. Na hety raz avaryja była padstrojenaja ŭ Baranavičach z udziełam ŭsio toj ža Mazda SCH7 i BMW 530. U vyniku strachavych vypłat siabry zavałodali hrašovymi srodkami strachavoj kampanii na ahulnuju sumu 29 700 rubloŭ.
Niaŭdačlivymi kiroŭcami zacikavilisia supracoŭniki ABEZ, pa materyjałach pravierki jakich Ivacevicki RASK 12 maja zavioŭ u dačynieńni da mužčyn kryminalnyja spravy pa č. 4 art. 209 KK (Machlarstva, ździejśnienaje arhanizavanaj hrupaj albo ŭ asabliva bujnym pamiery). Sankcyja artykuła praduhledžvaje pakarańnie ŭ vyhladzie pazbaŭleńnia voli na termin ad troch da dziesiaci hadoŭ z kanfiskacyjaj majomaści.
