Vital Siadziuk, jaki vyskačyŭ na scenu «Jeŭrabačańnia» ŭ Kijevie biez štanoŭ, zajaŭlaje, što zrabiŭ taki ŭčynak dziela epatažnaści.
Pra heta skazaŭ padčas pasiadžeńnia suda ŭ Kijevie, jaki vybiraje jamu mieru strymańnia.
«Ja heta zrabiŭ dla siabie. Ja nie toje, kab nie pavažaju «Jeŭrabačańnie» abo Džamału. Ja ničoha suprać ich nie maju», — skazaŭ Siadziuk.
«Heta akt majoj tvorčaści, epatažnaści, epatažny ŭčynak», — skazaŭ jon.
Fota: Arsien Avakaŭ / Facebook
«Mnie ŭdałosia zajści na terytoryju «Jeŭrabačańnia» biez akredytacyi, biez zaprašeńnia i padyści da sceny. Vychad na scenu byŭ kulminacyjaj», — skazaŭ jon.
Jon taksama zajaviŭ, što spačatku chacieŭ pakazać, što na konkurs možna patrapić biez kvitka, a vychad na scenu byŭ spantannym.
U vyniku sud adpuściŭ Siedziuka pad asabistaje abaviazacielstva.