Takoje z 1 lipienia čakaje biespracoŭnych u Litvie — buduć pavyšanyja dapamohi pa biespracoŭi, zatoje hetyja dachody buduć abkładać padatkami, piša Delfi sa spasyłkaj na Naujienos.lt.
Parłamient vyrašyŭ pryvieści ŭ paradak padatki, jakija płaciać žychary, i pačaŭ hetuju vysakarodnuju misiju z samych biednych — biespracoŭnych. Z 1 lipienia dapamoha pa biespracoŭi budzie abkładacca padachodnym padatkam.
Pa dziejnym zakonie padatkami nie abkładajucca dapamohi, jakija płacić dziaržava ź biudžetu «Sodry» i meryj, za vyklučeńniem dapamohi pa chvarobie, maciarynstvie i dohladzie za dziciem.
«Hetyja vypłaty źviazanyja z pracoŭnymi adnosinami. Ich pa dziejnym praviłam abkładajuć 15% padachodnym padatkam», — skazała pradstaŭnik Sacmina Litvy Łaura Aŭdzinicie. Ale ŭłady supakojvajuć — biespracoŭnyja buduć atrymlivać dapamohu na 40% bolš, čym ciapier, i nie na praciahu 6, a na praciahu 9 miesiacaŭ. «Dapamoha pa-raniejšamu budzie składacca z dvuch častak: pastajannaj i źmiennaj», — skazała śpiecyjalist.
Maksimalnaja dapamoha pa biespracoŭi nie moža być bolšaj za 75% siaredniaj zarpłaty, tamu Aŭdzinicie kanstatavała, što dapamoha pa biespracoŭi budzie pavialičvacca.
Adnak ekanamisty nie śpiašajucca radavacca takoj navinie. Pa ich słovach, ad hetaha karyści nie budzie nikomu.
«Unifikacyja padatkaabkładańnia dachodaŭ-heta tolki farmalnaść. Na samaj spravie karyści heta nikomu nie pryniasie. Padatki iduć u kansalidavany biudžet, a ź jaho płaciać tyja ž dapamohi — značyć, hrošy buduć «chadzić» pa toj ža kišeni», — skazaŭ prafiesar Instytuta daśledavańnia rynku pracy Bahusłaŭ Hružeŭski. Ale, pa jaho słovach, heta vykliča admoŭnuju reakcyju hramadstva. Dadatkovyja padatki tolki razzłujuć ludziej. Akramia taho, patrebnyja srodki na administracyju hetaha padatku. Jon padymaje pytańnie, ci buduć paśla padatkaabkładańnia samych biednych: biespracoŭnych, piensijanieraŭ — abkładacca padatkami siektary majomaści i kapitału, u jakich bolš za ŭsio patrebny paradak. Akramia taho, adznačyŭ Hružeŭski, paśla pavyšeńnia dapamoh pa biespracoŭi, samim ža biespracoŭnym daviadziecca płacić bolš padatkaŭ.
