Fota Siarhieja Hudzilina
Žychary Litvy źjaŭlajucca suśvietnymi lidarami pa spažyvańni ałkaholu, śviedčać dadzienyja minułaha hoda, jakija ŭ aŭtorak u Vilni ahučyŭ pradstaŭnik Suśvietnaj arhanizacyi zdaroŭja (SAAZ) Haŭdzi Halea, piša Defli.lt
U Litvie ŭ 2016 hodzie adzin žychar u siarednim spažyvaŭ 16 litraŭ ałkaholu. «Heta, pa najnoŭšych padlikach, robić jaje (Litvu) najbujniejšym pjanicam u Jeŭropie, a taksama samaj pituščaj krainaj u śviecie», — zajaviŭ Halea.
Na druhim miescy raźmiaściłasia Biełaruś, dzie na kožnaha žychara krainy prypadaje kala 15 litraŭ ałkaholu ŭ hod.
Treci radok zajmaje Łatvija (u siarednim kala 13 litraŭ na kožnaha žychara krainy).
Rasija razam z Polščaj raźmiaścilisia na čaćviortym radku z pakazčykam krychu bolš za 12 litraŭ na kožnaha žychara.
Lepš za ŭsio, pa dadzienych SAAZ, situacyja z rašeńniem prablem, źviazanych z užyvańniem ałkaholu, składvajecca ŭ Zachodniaj Jeŭropie
