Na internet-sajcie Białynickaha rajvykankama i ŭ rajonnaj haziecie «Zara nad Drućciu» źjaviłasia paviedamleńnie ab nieabchodnaści skasavańnia pasiołka Leninski Hałaŭčynskaha sielsavieta Białynickaha rajona, piša 6tv.by.
Nieabchodnaść skasavańnia pasiołka Leninski Hałaŭčynskaha sielsavieta vyklikanaja tym, što ŭ hetym nasielenym punkcie adsutničajuć žyłyja damy i inšyja budynki, nichto nie zarehistravany i nie pražyvaje, niama padjaznych šlachoŭ.
U adpaviednaści z artykułam 17 Zakona Respubliki Biełaruś ad 5 maja 1998 hoda «Ab administracyjna-terytaryjalnym uładkavańni Respubliki Biełaruś» hramadzianie majuć prava vykazvać dumki ab pytańniach administracyjna-terytaryjalnaha ŭładkavańnia ciaham adnaho miesiaca z daty apublikavańnia hetaha paviedamleńnia ŭ srodkach masavaj infarmacyi i jaho raźmiaščeńnia ŭ hłabalnaj kamputarnaj sietcy Internet.
U kancy minułaha hoda ŭ Białynickim rajonie ŭžo byli likvidavanyja dva nasielenyja punkty — pasiołak Zalipje Łańkoŭskaha i vioska Kastryčnik (da 1960 hoda hetaja vioska mieła nazvu Zaścienki) Hałaŭčynskaha sielsavietaŭ.
U Białynickim rajonie siarod nasielenych punktaŭ pakul jašče zastajecca adzin pasiołak Leninski ŭ składzie Ciechcinskaha sielsavieta. U 2010 hodzie ŭ im pražyvała 10 čałaviek, ciapier žycharoŭ tam stała jašče mienš.
