14 žniŭnia ŭ Hrodnie adbyŭsia pakaz dvuch dakumientalnych filmaŭ, pryśviečanych histaryčnaj zabudovie horada.
Pieršaja karcina raskazvaje ab chramach u histaryčnaj častcy Hrodna, u tym liku ab viadomym kaściole, jaki nazyvaŭsia Faraj Vitaŭta, uzarvanym savieckimi ŭładami ŭ 1961 hodzie. Druhi film raspaviadaje ab starym rajonie Hrodna Novy śviet, jaki zabudoŭvaŭsia z kanca XIX stahodździa. Siońnia ŭłady płanujuć praredzić zabudovu, pakinuć tolki kapitalnyja budynki, a vyzvalenyja ŭčastki zabudavać novymi damami.
Filmy źniaty studentami ź Biełarusi, Polščy i Hiermanii ŭ ramkach prajekta "Moładź u abaronu jeŭrapiejskaj kulturnaj spadčyny. Hrodna 2008" pry padtrymcy polska-niamieckaj prahramy Memoria. Jak paviedamiŭ kiraŭnik prajekta Pavieł Mickievič, u stvareńni filmaŭ brali ŭdzieł hrodzienskija historyki, a taksama staražyły Novaha śvietu, siarod jakich byŭ mužčyna, jaki pamiataŭ, jak rychtavałasia i ažyćciaŭlałasia źniščeńnie Fary Vitaŭta.