U Ivacevickim rajonie mužčyna skraŭ traktar, kab źjeździć pa cyharety ŭ susiedniuju viosku, paviedamiła BIEŁTA aficyjny pradstaŭnik upraŭleńnia Dziaržaŭnaha kamiteta sudovych ekśpiertyz pa Bresckaj vobłaści Taćciana Sivickaja.
Vypadak adbyŭsia 12 červienia ŭ vioscy Žytlin. U Ivacevicki RAUS źviarnuŭsia dyrektar pryvatnaha pradpryjemstva, jakoje śpiecyjalizujecca na lesanarychtoŭcy, i paviedamiŭ, što nieviadomy z dvara arandavanaha PP doma skraŭ traktar BELARUS 892 2011 hoda vypusku. Dla vyśviatleńnia ŭsich abstavin na miesca zdareńnia vyjechała śledča-apieratyŭnaja hrupa. Sahnanaja sielhastechnika była znojdzienaja ŭ lasnym masivie pablizu vioski Koračyn.
Zhonščykam akazaŭsia 35-hadovy mužčyna, znajomy haspadara arandavanaha pryvatnym pradpryjemstvam doma. Mužčyna akazvaŭ dapamohu ŭ kołcy droŭ. Jak vyśvietliłasia, paśla ŭžyvańnia śpirtnych napojaŭ jon vyrašyŭ źjeździć na traktary ŭ susiedniuju viosku ŭ kramu pa cyharety. Adnak pa darozie nie spraviŭsia z kiravańniem i źjechaŭ u kanavu. Tam zhonščyk kinuŭ techniku i ŭžo pieššu viarnuŭsia dadomu.
Pa dadzienym fakcie Ivacevicki rajonny adździeł Śledčaha kamiteta raspačaŭ kryminalnuju spravu.
