Sustaršynia Palitrady ADS Anatol Labiedźka sprabuje vychodzić na niepasrednyja kantakty z rehijanalnym kiraŭnictvam. Pavodle Labiedźki, jahonyja razmovy z kiraŭnikom vertykali ŭ Ašmianach Jurjem Adamčykam i namieśnikam kiraŭnika administracyi Centralnaha rajonu Miensku Mikałajem Burym byli cikavymi i karysnymi: «U ich jość cikavaść da razmovy. Heta – biez sumnievu. Toje, što vertykalščyk z Ašmian kali-nikali zahladaje na naš partyjny sajt, śviedčyć pra toje, što kruhahlad hetaha čałavieka davoli šyroki. Jon moža vieści dyskusiju. Kaniečnie, z punktu hledžańnia siońniašniaj ułady. Ale jon mnie spadabaŭsia tym, što moža dyskutavać. Temy byli samyja raznastajnyja. Nia tolki vybarčaja kampanija, dzie ja paprasiŭ, kab jany byli maksymalna blizkija da zakonaŭ i nie hublali čałaviečy tvar, što vielmi važna i istotna. A potym my razmaŭlali i pra miažu. I pra prablemu investycyjaŭ. I pra biespracoŭje. I pra inšaje. Razmaŭlali cełuju hadzinu».
A voś uražańni ad hutarki pradstaŭnika vertykali Mikałaja Buraha: «Ź Labiedźkam možna narmalna razmaŭlać. My abmierkavali roznyja temy, u tym liku i źviazanyja z vybarami. Kali čałaviek z taboju narmalna razmaŭlaje, dyk i ty ž ź im budzieš taksama razmaŭlać narmalna. Nia baču prablemaŭ u znosinach. Daviedacca pra dumku inšaha čałavieka zaŭsiody ž cikava. A što ŭ hetym takoha? Jon vykazaŭ svajo mierkavańnie. A mnie heta cikava».
