Ahulnaja biełaruskamoŭnaja dyktoŭka projdzie ŭ subotu, 24 červienia, u Nacyjanalnaj biblijatecy.
Pakolki sioleta Minsk śviatkuje svajo 950-hodździe, arhanizatary padrychtavali admysłovy tekst pra biełaruskuju stalicu. Abiacajuć, što dyktavać buduć viadomyja biełarusy.
Teksty pravierać prafiesijnyja fiłołahi, vyniki dašluć udzielnikam pa elektronnaj pošcie.
Taho, chto atrymaje najvyšejšy bał, dziasiatku, čakaje śpiecyjalny pryz ad arhanizataraŭ.
Zbor udzielnikaŭ dla rehistracyi: 12.00.
Pačatak dyktoŭki: 12.30.
Kab trapić u zału, dzie budzie iści dyktoŭka, treba prajści praz pravy bakavy ŭvachod biblijateki (z boku restaracyi «Miehapolis», 2 pavierch).
Kolkaść miescaŭ abmiežavana, tamu dla ŭdziełu treba zapoŭnić zajaŭku na sajcie arhanizataraŭ.
Kali ŭźnikli ciažkaści, dasyłajcie infarmacyju z kantaktnymi dadzienymi na adras [email protected] — vašu zajaŭku apracujuć i patelefanujuć, kab paćvierdzić rehistracyju.
«Ahulnaja dyktoŭka» — adzin z hałoŭnych sioletnich karparatyŭnych sacyjalnych prajektaŭ «Lidskaha piva». Ideja ŭ tym, kab dać mahčymaść biełarusam pravieryć vałodańnie biełaruskaj movaj i padtrymać imknieńnie ŭdaskanalvać svaje viedy.
