«Rośniefť» zajaviła, što joj udałosia adkryć pieršaje radovišča nafty na šelfie Uschodniaj Arktyki.
Radovišča, havorycca ŭ zajavie kampanii, było vyjaŭlena pry śvidravańni pošukavaj śvidraviny «Centralna-Olhinskaja-1» na šelfie Chatanhskaj zatoki, piša meduza.io.
Atrymanyja ŭ vyniku bureńnia vyniki, padkreśliła «Rośniefť», dazvalajuć kampanii ličycca pieršaadkryvalnikam vuhlevadarodnych radoviščaŭ na šelfie Uschodniaj Arktyki.
Zapasy znojdzienaha radovišča ŭdakładniajucca.
Užo na padstavie pieršasnych daśledavańniaŭ možna zrabić vysnovu ab adkryćci novaha radovišča nafty, abjom resursnaha patencyjału jakoha pavialičvajecca pa miery praciahu buravych rabot.
«Rośniefť» atrymała licenziju na raspracoŭku Chatanhskaha ŭčastka ŭ listapadzie 2015 hoda.
Bureńnie pieršaj na ŭčastku pošukavaj śvidraviny «Centralna-Olhinskaja-1» było pačata ŭ krasaviku 2017 hoda. Start śvidravańniu tady daŭ prezident RF Uładzimir Pucin padčas telemostu z kiraŭnikom «Rośniefti» Iharam Siečynym.
