SHEALAH CRAIGHEAD
Amierykanski nastaŭnik z Rod-Ajlenda prasłaviŭsia ŭ internecie, sfatahrafavaŭšysia z prezidentam ZŠA Donaldam Trampam u niezvyčajnym stroi.
29-hadovy Nikas Janipułas, jaki atrymaŭ zvańnie nastaŭnika hoda ŭ svaim štacie, razam ź inšymi piedahohami z usioj krainy pryjechaŭ u Bieły dom dla sustrečy z prezidentam.
Adnak mienavita jaho fatahrafija z Donaldam Trampam i pieršaj łedzi Miełanijaj atrymała tysiačy «łajkaŭ» — šmat u čym dziakujučy aksiesuaram, jaki jon prademanstravaŭ na zdymku.
U svaim dopisie na «Fejsbuku» Janipułas padzialiŭsia detalami stroja, siarod jakich byŭ błakitny pinžak sa špilkaj z vyjavaj viasiołki: tak nastaŭnik chacieŭ «vykazać padziaku ŁHBT-supolnaści».
Inšy elemient — upryhožvańnie ŭ formie jakara ŭ honar Rod-Ajlenda. Zaviaršaŭ vobraz čorny viejer, jaki Janipułas abraŭ, kab «adznačyć viesiałość i svabodu hiendarnaha nonkanfarmizmu».
Zrešty, supracoŭniki Biełaha doma nie acanili aksesuar i paprasili prybrać jaho dla fatahrafii, adnak, jak raspavioŭ nastaŭnik u intervju amierykanskamu radyjo NPR, jon vyrašyŭ usio ž pierapytać Trampa.
Sam prezident, pa słovach Janipułasa, nazvaŭ viejer stylnym.
«Ja ŭsiaho tolki spytaŭ prezidenta: «Vy nie suprać, kali ja budu ź viejeram na fatahrafii?» Na što Tramp adkazaŭ: «Biez pytańniaŭ, davaj». Tak što, ja dastaŭ svoj viejer i padrychtavaŭsia paziravać».