Fota Dźmitryja Bruško
Čytačy TUT.BY prapanavali dapamohu siamji, u jakoj u Alikante zahinuŭ baćka. Jany vyrašyli pryvieźci Irynu i jaje dziaciej u aeraport, apłacić zvarotny pieralot i prosta pabyć pobač ź imi.
— Dziakuj vielizarny nieabyjakavym ludziam! Dziakujučy im, pytańnie vyrašyłasia vielmi chutka, — raspaviadaje znajomaja siamji.
Nahadajem, 20 červienia padčas adpačynku ŭ ispanskim horadzie Alikante patanuŭ 40-hadovy Alaksandr. Ubačyŭšy, jak jaho maleńkich synoŭ rezka stała vynosić u mora, mužčyna z žonkaj kinulisia ich ratavać. Ale vypłyli ŭsie, akramia Alaksandra. Jon pamior na vačach žonki i dziaciej. Zastaŭšysia ŭ čužoj krainie, žančyna nie viedała, jak viarnucca dadomu. Zvarotnyja kvitki byli nabytyja na 1 lipienia.
Adrazu paśla publikacyi z redakcyjaj źviazaŭsia Andrej, jaki žyvie ŭ Alikante, i prapanavaŭ dapamohu.
— Ja mahu i ź dziećmi pabyć, i prosta dapamahčy z arhanizacyjnymi pytańniami. Tut jość inšyja biełarusy, jakija taksama hatovyja dapamahčy Irynie, — kaža jon.
Krychu paźniej patelefanavała dziaŭčyna ź Minska. Jana hatovaja była ŭziać na siabie ŭsie vydatki pa pieralocie, ale ścipła admoviłasia ad kamientaroŭ, spasłaŭšysia, što prosta «choča dapamahčy ludziam».
— Hrošy na kvitki na rejs Barsiełona — Minsk sabrali supracoŭniki MUS, dzie pracavaŭ Alaksandr. Zaraz Andrej viazie Irynu i dziaciej u aeraport Alikante, uviečary jany vylatajuć u Barsiełonu. Usie vydatki pa pieralocie z Alikante ŭ Barsiełonu, tranśfier, načleh tam ŭziała na siabie dziaŭčyna, jakaja taksama źviarnułasia ŭ vašu redakcyju. Jana naohuł hatovaja była apłacić usie kvitki da Minska, — raskazvaje znajomaja siamji zahinułaha milicyjanta. — Čužyja ludzi dapamahli vyrašyć pytańnie apieratyŭna. U taki momant Irynie važna, kab chtości byŭ pobač, padkazaŭ, što rabić, i prosta maralna padtrymaŭ.
U subotu Iryna z synami budzie ŭžo ŭ Minsku. Pytańnie z adpraŭkaj cieła muža jašče nie vyrašana, daviedku pra śmierć pryjdziecca čakać 15 dzion. Tolki paśla hetaha cieła adpraviać u Minsk, hetym pytańniem zajmajecca strachavaja kampanija.
— U ciapierašni čas kiraŭnictva Departamienta achovy MUS robić usio nieabchodnaje dla akazańnia dapamohi svajakam pravaachoŭnika. Supracoŭniku było 40 hadoŭ, kala 20 ź jakich jon addaŭ słužbie ŭ orhanach unutranych spraŭ. Charaktaryzavaŭsia stanoŭča. Sumlenna i adkazna staviŭsia da vykanańnia svaich abaviazkaŭ, u składanaj apieratyŭnaj abstanoŭcy prymaŭ pravilnyja samastojnyja rašeńni, vyjaŭlaŭ razumnuju inicyjatyvu, za što nieadnarazova ŭznaharodžvaŭsia. Kiraŭnictva MUS, Departamienta achovy i asabisty skład orhanaŭ unutranych spraŭ vykazvajuć ščyryja spačuvańni jaho rodnym i blizkim, - paviedamlaje sajt MUS.
