«BPS-Śbierbank» płanuje da kanca 2017 hoda pačać vypusk kartak kitajskaj apłatnaj sistemy UnionPay, paviedamili BiełTA ŭ pres-słužbie banka.
Zaraz bank prachodzić praceduru siertyfikacyi ŭ mižnarodnaj apłatnaj sistemie UnionPay International. Siertyfikacyja dazvolić stać pieršym biełaruskim bankam, jakomu budzie dadziena hienieralnaja licenzija na vypusk liniejki kartak (Classic, Gold, Platinum, Diamond) apłatnaj sistemy UnionPay International z adnačasovym zapuskam ich absłuhoŭvańnia ŭ bankamatach i apłatnych pryładach banka. Trymalniki kart UnionPay International, vypuščanych bankami inšych krain, zmohuć ździajśniać patrebnyja apieracyi u bankamatach «BPS-Śbierbanka».
Na siońnia płaciežnyja karty UnionPay prymajucca bolš čym u 160 krainach i rehijonach śvietu. Vypuščana ŭžo bolš za 6 młrd kart UnionPay bolš čym u 40 krainach i rehijonach.
Kamientary