Zapusk najmahutnaj kitajskaj rakiety-nośbita «Vialiki pachod-5» («Čančžen-5») prajšoŭ niaŭdała. Pra heta paviedamlaje ahienctva «Sińchua».
Što stała pryčynaj pravału, pakul nieviadoma. Dla rasśledavańnia incydentu stvorana ekśpiertnaja kamisija.
«Vialiki pachod-5» byŭ zapuščany z kasmadroma Veńčan u pravincyi Chajnań 2 lipienia a 19.23 pa miascovym časie (13.23 pa minskim). Płanavałasia, što rakieta-nośbit vyviedzie na arbitu spadarožnik suviazi «Šycziań-18».
Heta byŭ druhi zapusk «Vialikaha pachodu-5». Pieršy paśpiachova adbyŭsia ŭ pačatku listapada minułaha hoda. Tady rakieta-nośbit vyvieła na hieastacyjanarnuju arbitu ekśpierymientalny spadarožnik «Šycziań-17».
«Vialiki pachod-5» — najbujniejšaja ŭ Kitai rakieta-nośbit novaha pakaleńnia. Jaje vyšynia składaje 56,97 mietra, dyjamietr asnoŭnaj stupieni - piać mietraŭ. Pa słovach navukoŭcaŭ, padčas jaje stvareńnia byli vykarystany zvyš 200 novych technałohij.
