Namieśnik hiendyrektara BiełAZa zatrymany pry atrymańni chabaru, paviedamili ŭ pres-słužbie MUS. Akramia jaho zatrymanyja jašče piaciora ŭdzielnikaŭ złačynnaj hrupy.
Namieśnik hienieralnaha dyrektara pa finansavaj i ekanamičnaj palitycy AAT «BiełAZ» byŭ zatrymany z dokazami złačynstva padčas atrymańnia chabaru 4 lipienia ŭ Minsku. Sumu ŭ pamiery $1200 jamu pieradaŭ pradstaŭnik staličnaj kamiercyjnaj struktury. Hrošy — uznaharodžańnie za spryjalnaje vyrašeńnie pytańnia ab pieršačarhovaj apłacie pastaŭlenaj na zavod partyi mietału. Supracoŭniki Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS i Śledčaha kamiteta spynili kryminalnuju schiemu.
Na nastupny dzień u chodzie dalejšych apieratyŭna-vyšukovych mierapryjemstvaŭ byli zatrymanyja načalnik biuro i ekanamist AAT «BiełAZ», jakija z 8 červienia pa 4 lipienia hetaha hoda taksama atrymlivali chabar ad pradstaŭnikoŭ zhadanaj firmy ŭ jakaści «padziaki» za stanoŭčaje vyrašeńnie pytańnia ab padpisańni damovaŭ na pastaŭku mietału.
Pravaachoŭniki vyśvietlili, što niezakonnaja schiema dziejničała z vosieni minułaha hoda — z momantu ŭtvareńnia kamiercyjnaj struktury. Mietał dla patreb BiełAZa zakuplaŭsia pa cenach, jakija pieravyšajuć rynkavy košt. Za heta pradstaŭniki pradpryjemstva sistematyčna atrymlivali chabar. Ich pamier składaŭ peŭny adsotak ad sumy ździełki.
Zaraz śledstvam zatrymanyja šaściora ŭdzielnikaŭ złačynnaj hrupy: try słužbovyja asoby AAT «BiełAZ», a taksama troje pradstaŭnikoŭ kamiercyjnaj struktury.
Zaviedzienyja kryminalnyja spravy pa art.430 KK (atrymańnie chabaru), jakaja praduhledžvaje maksimalnaje pakarańnie da 15 hadoŭ pazbaŭleńnia voli z kanfiskacyjaj majomaści, i art.431 KK (dača chabaru) — maksimalnaje pakarańnie da 7 hadoŭ pazbaŭleńnia voli.
Nakładzieny aryšt na majomaść, jakaja naležyć fihurantam: šeść aŭtamabilaŭ premium-kłasa, hrašovyja srodki i kaštoŭnaści, siem abjektaŭ nieruchomaści.
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary