Incydent adbyŭsia ŭnačy 8 lipienia ŭ punkcie propusku «Tamašoŭka», paviedamlajecca na sajcie Dziaržpahrankamiteta.
Žychar adnajmiennaha ahraharadka pry ŭjeździe ŭ Biełaruś pasprabavaŭ abahnać spadarožny aŭtamabil, kab pieršym prajści afarmleńnie. Pry hetym manieŭry jon nie spraviŭsia z kiravańniem i sutyknuŭsia z raźmieščanym na ŭjeździe srodkam prymusovaha spynieńnia. Učyniŭšy DTZ, małady čałaviek vyrašyŭ schavacca ad adkaznaści na ŭkrainskaj terytoryi, ale byŭ zatrymany pamiežnikami.
Na miesca prybyŭ narad DAI. U kryvi zatrymanaha kiroŭcy było vyjaŭlena 1,3 pramile ałkaholu. U hetym stanie jon adpraviŭsia ŭ pajezdku z žonkaj i dziećmi. Na pravaparušalnika składzienyja čatyry administracyjnyja pratakoły. Jon taksama budzie pazbaŭleny prava kiravańnia transpartnym srodkam na niekalki hadoŭ.
