Archieałahičnyja pomniki ŭ Hrecyi buduć časova zakrytyja dla naviedvańnia turystami ŭ samyja haračyja hadziny dnia z-za anamalnaj śpiakoty, paviedamlajuć infarmahienctvy sa spasyłkaj na Ministerstva kultury Hrecyi.
wikipedia.org
Archieałahičnyja pomniki tych rehijonaŭ Hrecyi, dzie čakajecca mocnaja śpiakota, źmieniać režym pracy. Jany buduć zakrytyja dla naviedvańnia z 13.00 da 17.00. Hetyja turystyčnyja abjekty možna budzie naviedać ranicaj i ŭviečary.
Adznačajecca, što skaročany režym pracy abjektaŭ budzie doŭžycca da tych časoŭ, pakul tempieratura pavietra budzie vyšejšaj za 39 hradusaŭ.
Kulturnyja pomniki i marskija kurorty Hrecyi štohod pryciahvajuć u krainu miljony haściej z usiaho śvietu. Jak čakajecca, u hetym hodzie Hrecyju naviedajuć da 30 młn turystaŭ.