Jeŭrapiejskaje ahienctva pa achovie źniešnich miežaŭ ES Frontex praanalizuje prapanovu Italii, jakaja tyčycca novych pracedur abychodžańnia ź nielehalnymi mihrantami z krain Afryki i Blizkaha Uschodu, paviedamlaje Radyjo Polšča.
Mihracyjny kryzis i situacyju na paŭdniovych miežach ES u aŭtorak u Varšavie ŭ štab-kvatery Frontex abmiarkoŭvali pradstaŭniki krain-siabroŭ arhanizacyi. Ministr unutranych spraŭ Italii Marka Minici na dniach vykazaŭsia za toje, kab sudny z vyratavanymi biežancami ŭ Mižziemnym mory nakiroŭvalisia taksama i ŭ inšyja krainy, a nie tolki ŭ Italiju. Jak paviedamiła pres-sakratar Frontex Eva Mankiur, hetaj prablemaj u ciapierašni čas zajmajucca ekśpierty.
«U ciapierašni čas pracuje ekśpiertnaja hrupa, jakaja analizuje mahčymaści ŭviadzieńnia novych pracedur, a taksama płanuje apieracyi pa abmiežavańni napłyvu mihrantaŭ u ramkach apieracyi «Tryton»», — paviedamiła pradstaŭnik Frontex.
Pavodle danych ahienctva, usiaho ŭ 2016 hodzie praź Italiju ŭ krainy ES prybyli kala 180 tysiačy biežancaŭ. Za pieršyja šeść miesiacaŭ hetaha hoda na Apieninski paŭvostraŭ prybyło 85 tysiač mihrantaŭ. Tolki na praciahu minułaha tydnia ŭ Mižziemnym mory było vyratavana bolš za 10 tysiač biežancaŭ, jakija sprabavali trapić u Italiju.
