Kanhresmieny Bred Šerman i Eł Hryn, jakija pradstaŭlajuć Demakratyčnuju partyju, vyłučyli inicyjatyvu impičmientu prezidentu Donaldu Trampu za pieraškodu ŭ rasśledavańni ab mahčymym umiašańni Rasii ŭ vybary ZŠA ŭ 2016 hodzie. Pra heta paviedamlaje The Hill.
Vydańnie adznačaje, što heta pieršy vypadak, kali Kanhresu prapanavali prajekt zakona ab impičmiencie Trampu.
«Ciapier my budziem sprabavać prymusić jurydyčny kamitet Pałaty pradstaŭnikoŭ Kanhresu ZŠA pravieści słuchańni z nahody stvareńnia pieraškod pravasudździa i rasijskaha ŭmiašańnia ŭ našy vybary», - havorycca ŭ zajavie Šermana.
Jon pakazvaje, što infarmacyja ab Trampie «daje padstavy mierkavać, što kampanija prezidenta imknułasia atrymać padtrymku ad Rasii». Na dumku Šermana, Trampu «było, što chavać», «uličvajučy toje, jak prezident sprabavaŭ začynić rasśledavańnie ŭ dačynieńni da Majkła Flin (były daradca prezidenta ZŠA pa nacyjanalnaj biaśpiecy) i bolš maštabnaje rasśledavańnie, jakoje tyčycca Rasii».
Šerman padkreśliŭ, što nastupnaje zvalnieńnie dyrektara FBR Džejmsa Komi pieraškadžała pravasudździu.
