U Hrodnie nieviadomy mužčyna adabraŭ u 92-hadovaj babulki kašalok, paviedamili va UUS Hrodzienskaha abłvykankama.
Usio adbyłosia na vulicy Hohala 12 lipienia. Prykładna ŭ 15.40 piensijanierka 1925 hoda naradžeńnia vyjšła z aŭtobusa na prypynku pa vulicy Haharyna i nakiravałasia dadomu. Pry sabie ŭ jaje była žanočaja sumačka, u jakoj na samym viersie lažaŭ kašalok. Pavodle papiaredniaj viersii, złamyśnik jechaŭ z paciarpiełaj u adnym aŭtobusie i bačyŭ, kudy babula pakłała kašalok. Dačakaŭšysia momantu, kali pobač nikoha nie było, jon padyšoŭ da piensijanierki zzadu, vychapiŭ z sumki kašalok z 10-ju rublami i dakumientami i ŭciok.
Złamyśnika zafiksavała kamiera videanazirańnia kramy pa vulicy Haharyna. Jaho prykmiety: na vyhlad 30-40 hadoŭ, rost 170-180 sm, ciomnyja karotkija vałasy z załysinami na łbie.
Kali vy paznali čałavieka, milicyja prosić paviedamić pa telefonie 8 (029) 589-09-01 abo 102.
Kamientary