Intensiŭnyja pieramovy pra vyzvaleńnie Kazulina vialisia i letaś, i sioleta: u lutym vyzvalili ŭsich, akramia Kazulina. Kanflikt z ZŠA byŭ sparodžany faktyčna vyklučna spravaj byłoha kandydata ŭ prezydenty. Ale tady Miensk kazaŭ «nie», a zaraz skazaŭ «tak». Čamu ž vyzvalili ciapier, a nie tady? Jakoha adkazu Zachadu čakajuć ułady Biełarusi? Jakija źmieny ŭ palitycy heta viaščuje?
Kamentuje Pavał Jakubovič, hałoŭny redaktar hazety «Sovietskaja Biełoruśsija», adna z centralnych fihuraŭ u łukašenkaŭskaj administracyi:«Tut usia sprava ŭ formie. Zachad časta havoryć: nas nia nadta turbujuć vašy źmiastoŭnyja dziejańni, ale ŭ Biełarusi časam parušajecca forma, dyk pavodźcie siabie prystojna, u vonkavaj adpaviednaści z zachodnimi standartami, i ŭsio budzie dobra. Ale ŭ dadzienym vypadku hetyja ludzi hetaj formy nia nadta datrymlivalisia.
Ja liču, što Kazulina nia vyzvalili tady tamu, što kiepska prasili. Prasili brutalna, ź ciskam, z uviadzieńniem niejkich niezrazumiełych sankcyj. Usio było vielmi brutalna, u baksiorskaj maniery, kułakami, u vuhał, a potym budziem razmaŭlać. Nu, a pryroda našaj ułady takaja, što dzie siadzieš, tam i źlezieš, tamu ničoha dobraha z hetaha nia vyjšła. I skončyłasia heta tym, što amerykanskamu pasolstvu daviałosia vyjaždžać amal u poŭnym składzie. Miarkuju, što
dla ZŠA davoli kryŭdna viedać, što nievialikaja eŭrapiejskaja dziaržava pakazała na dźviery pasolstvu, i ničoha ad hetaha nie adbyłosia, i nichto nie źbirajecca kajacca.Ja tut chaču adkazać na słovy Jarasłava [Ramančuka], što nie dajuć čynoŭnikam vyjaždžać dla niejkich aperacyj na Zachadzie. Dy ŭsie čynoŭniki, usie, chto žadaje, vyjaždžaje tak ci inakš, tak što hetyja sankcyi – navat u hetym anekdatyčnym sensie– naŭrad ci kahości pałochajuć.
Ale tak ci inakš pryjšoŭ čas, i
Złučanyja Štaty pierakanalisia ŭ hetym (nia vyklučany tut i peŭny fon kaŭkaski), što treba paprasić spakojna, vietliva i pierakanaŭča. Jak tolki heta było zroblena – vy viedajecie pra vizyty ŭ Administracyju pasła Niamieččyny, jaki časta biare na siabie pieramoŭnyja funkcyi – jak tolki dobra paprasili, adrazu ž pajšli nasustrač.Usia sprava ŭ formie. Jak treba paprasić značyć, jość padstava dla pieramovaŭ. Naahuł, kali stukajuć u dźviery Biełarusi – zaŭsiody hetyja dźviery adčyniajucca.
Što tyčycca vyrazu Alaksandra Ŭładzisłavaviča, što jon «žach, jaki lacić na kryłach nočy», ja adnošu heta da taho, što jon načytaŭsia dziciačych knih, jakija jość u biblijatecy kalonii. Raniej tam była dziciačaja kalonija, i tamu tam šmat dziciačych knih i dziciačych multfilmaŭ.
Ale pavodzić siabie , vidać, varta nie pa-dziciačamu i razumieć, što nichto Alaksandra Ŭładzisłavaviča nie baicca.
Zachad prajaviŭ zacikaŭlenaść, pierš za ŭsio ZŠA. Liču, što Biełaruś nahetulki ž rašuča i vysakarodna adkaža na hetuju zacikaŭlenaść. Inšaja sprava, što
kali pojduć razmovy pra toje, što heta tolki adzin punkt, a jašče jość 12 ci jašče bolš, to hety miadovy miesiac skončycca, nie pačaŭšysia.Bo ŭsia sytuacyja pakazała, što cisnuć, uvodzić sankcyi, zahaniać u kut – z hetaha ničoha nia vyjdzie.
Kali Zachad budzie niešta dyktavać, ničoha dobraha nia vyjdzie.
Kali Zachad, i pierš za ŭsio ZŠA, padyduć da novaj sytuacyi nie z pazycyi kateharyčnaha imperatyvu, jak u ich heta zvyčajna vychodzić, to liču, što možna kazać pra toje, što zadača, pastaŭlenaja prezydentam pierad ministram zamiežnych spraŭ Martynavym – istotna palepšyć adnosiny z Zachadam – budzie prasoŭvacca ŭ chutkim tempie.Zachad paprasiŭ vyrašyć pytańnie z Kazulinym, Parsiukievičam i Kimam – Biełaruś adkazała na heta jasna i transparentna. Kali łaska.
Što ž tyčycca detalaŭ, to treba razumieć, što investary mohuć i pryjści, i nie pryjści ŭ Biełaruś, ale adnosiny ŭradavych kołaŭ ZŠA i Eŭraźviazu tut roli nijakaj nie adyhryvajuć. Kali budzie dobry investycyjny klimat, a hałoŭnaje – atrymańnie prybytkaŭ, to pryjduć ludzi sami i nia buduć asabliva pytać u svaich uradaŭ.
Niejkaha handlu tut niama. Zrobleny pieršy krok. Kab vyjści zamuž, treba jak minimum vyjści z domu. Zachad vyjšaŭ, Biełaruś pajšła nasustrač. Kazać pra toje, jakija vyniki hetaha ruchu nasustrač, nakolki hetaja daroha budzie pazbaŭlenaja barjeraŭ u vyhladzie durnavatych, na moj pohlad, sankcyj i abmiežavańniaŭ, moža pakazać tolki čas. Jak kazali marksisty, najlepšym kryteram iściny źjaŭlajecca praktyka».
