Raiffeisen International Bank Holding AG 21 žniŭnia kupiŭ na biržavym rynku 10 młn. 883 tys. 484 akcyi «Priorbank» AAT za $50 młn. 173 tys. u Jeŭrapiejskaha banka rekanstrukcyi i raźvićcia (JEBRR), dola jakoha ŭ statutnym fondzie «Priorbanku» składała 13,5 pracenta. Ab hetym BIEŁTA paviedamili ŭ adździele hramadskich suviaziej banka.
Cana prodažu 1 akcyi skłała Br9739 pry naminale Br3350. Takim čynam, dola Raiffeisen International u «Priorbanku» pavialičana da 76,55 pracenta.
«Hetaja ŭhoda — łahičny krok pa kansalidacyi kapitału banka stratehičnym inviestaram, Raiffeisen International Bank Holding AG, jaki vykupiŭ u 2003 hodzie kantrolny pakiet akcyj Priorbanka», — adznačyli ŭ adździele hramadskich suviaziej AAT.
«Priorbank» AAT — siabar RZB Group i daččynaja kampanija Rajffajzien Internešnł Bank Chołdynh AH (Rajfajzien Internešnł). Rajfajzien Internešnł - poŭnaściu kansalidavanaja daččynaja kampanija Rajfajzien Centralbank Aŭstryja AH (RCB), raźmieščanaha ŭ Vienie. RCB maje 68,5 pracenta akcyj Rajfajzien Internešnł. Astatnija akcyi znachodziacca ŭ svabodnym abaračeńni i vystaŭlajucca na Vienskaj fondavaj biržy.
«Priorbank» AAT utvorana ŭ studzieni 1989 hoda.
