Fota Siarhieja Hudzilina.
Što tyčycca składanych tem, jakija ciažka zasvojvajucca vučniami, to ich albo pieranieśli ŭ starejšyja kłasy, albo pakinuli dla pahłyblenaha vyvučeńnia.
Volha Zielanko pryviała try kankretnyja prykłady.
Bijałohija
U zvyčajnym bazavym kursie bijałohii bolš nie budzie raździełaŭ «Pavodziny jak vynik evalucyi» i «Strukturnaja arhanizacyja i rehulacyja funkcyj žyvych arhanizmaŭ». Ich buduć vyvučać tolki na pavyšanym uzroŭni.
Matematyka
U matematycy prachodzić «Vytvornuju» taksama buduć tolki tyja, chto vyvučajuć pradmiet pahłyblena.
Biełaruskaja mova
Pamiatajecie z kursa biełaruskaj movy, jak adroźnić peŭna-asabovy skaz ad niapeŭna-asabovaha — vidy adnasastaŭnaha skaza? Vyrašana, što sučasnamu školniku heta viedać nie asabliva i patrebna, pakolki ciažka skazać, jakaja ŭ hetym viedańni praktyčnaja skiravanaść. Ad vučnia budzie patrabavacca, kab jon prosta adroźnivaŭ adnasastaŭny skaz ad dvuchsastaŭnaha.
Siarod novaŭviadzieńniaŭ i toje, što ciapier buduć mienš patrabavać zubryć, zavučvać składanyja farmuloŭki.
Uziać, da prykładu, temu ŭ kursie biełaruskaj movy «Sensava-stylistystyčnaja rola i tekstaŭtvaralnyja mahčymaści słoŭ roznych čaścin movy». Ciapier jaje buduć vyvučać praz praktyčny razbor tekstaŭ roznych stylaŭ, typaŭ i žanraŭ maŭleńnia.
Taksama z prahramy prybrali temy, jakija faktyčna dublavalisia ŭ roznych pradmietach.